توركيا ل دۆر پاشئێخستنا ههلبژارتنان: چ راستى بۆ نينه
گاڤ
توركيا راگههاند كو چ گوهۆڕين ب سهر ژڤانێ ههلبژارتنێن سهرۆكاتى و پهرلهمانێ توركيا دا ل 14ى گۆلانا ئهڤ ساله نههاتينه كرن.
هندهك نووچهيان ئاماژه دابوونه شياوا پاشئێخستنا دهمێ ههلبژارتنان ژ بهر ئهردههژا 6ى ڤێ ههيڤێ ل توركيا، لێ وهزارهتا داد يا توركى ئهڤ چهنده رهتكر.
بهكر بوزداغ وهزيرێ داد يێ توركيا راگههاند؛ چ گوهۆڕين ب سهر ژڤانێ ئهنجامدانا ههلبژارتنان دا نههاتينه كرن.
ديار ژى كر؛ قهدهغهكرنا گهشتكرنێ ل سهر 150 كهسێن بهرپرسيار ژ ئاڤاكرنا ئاڤاهيێن د ئهردههژێ دا ههڕفتين، هاته سهپاندن.
ئاماژه دا وێ چهندێ ژى؛ دادگههێن دهڤهرێن زيانڤێكهفتى ژ بهر ئهردههژێ دێ بۆ پشتى دو ههيڤان هێنه پاشئێخستن.
ژڤان بوو ل 18ى خزيرانا ئهڤ ساله ههلبژارتێن سهرۆكايهتى و پهرلهمانێ توركيا بهێنه كرن، لێ ب بڕيارا رهجهب تهيب ئهردۆگان سهرۆككۆمارێ توركيا ههلبژارتن بۆ رۆژا 14ى گۆلانێ هاتينه پێشئێخستن.