په‌يوه‌نديه‌ك دناڤبه‌را ئاكنجيبوونێ ل نزيك جادده‌يێن سه‌ره‌كى و تووشبوونێ ب نه‌خۆشيه‌كێ دا ئاشكرا دبيت
بەلاڤ بکە
گاڤ
لێكۆلينه‌كا نوشدارى يا نوى په‌يوه‌نديه‌ك دناڤبه‌را ئاكنجيبوونێ ل نزيك جادده‌يێن سه‌ره‌كى و تووشبوونێ ب نه‌خۆشيه‌كا پيستى دا ئاشكرا كر.
د لێكۆلينه‌كا د كۆڤارا هه‌ستياريێ و به‌رگڕيا له‌شى يا كلينيكى دا ل ئه‌مريكا به‌لاڤبووى دا هاتيه؛ ئه‌و كه‌سێن ل ده‌ڤه‌رێن نزيكى جادده‌يێن سه‌ره‌كى دژين، ده‌ليڤه‌يا تووشبوونا وان ب نه‌خۆشيا ئێكزيمايى پتره ژ كه‌سێن دويرى جادده‌يێن سه‌ره‌كى دژين.
ل گۆره‌ى لێكۆلينێ؛ ئه‌و زارۆكێن د دويراتيا 1000 مه‌تران يان پتر ژ رێكێن سه‌ره‌كى دژين، شياوا تووشبوونا وان ب ئێكزێمايێ ب رێژه‌يا 27% كێمتره ژ زارۆكێن ب دويراتيا 55 مه‌تران ژ جادده‌يێن سه‌ره‌كى دژين.
لێكۆلينێ پشتبه‌ستن ل سه‌ر داتايێن 14 هزار كه‌سان ل دێنڤر ل ويلايه‌تا كولورادۆ يا ئه‌مريكى ب درێژيا 13 سالان كريه.
ئه‌كادێميا ئه‌مريكى يا هه‌ستياريێ و ره‌بۆيێ و به‌رگڕيا له‌شى ژى دياركريه؛ په‌يوه‌نديه‌ك دناڤبه‌را ئێكزيمايێ و ئاكنجيبوونێ ل نزيك رێكێن سه‌ره‌كى هه‌يه و پێدڤيه لێكۆلينێن پتر بهێنه كرن.
