گاڤ – تایبه‌ت
ل پارێزگه‌ها دهۆكێ و هه‌رێما كوردستانی كێشه‌یا گیروبوونا ده‌رخستنا پاسپۆرتان چێبوویه‌ و هنده‌ك وه‌لاتى تا 3 هه‌یڤان ل هیڤیا ده‌ركه‌فتنا پاسپۆرتێن خۆ دمینن.
ل گۆره‌ى زانیاریێن گاڤ، ده‌مێ 3 هه‌یڤانه‌ كێشه‌یا گیروبوونا ده‌رخستنا پاسپۆرتان ل فه‌رمانگه‌ها پاسپۆرتێن دهۆكێ هه‌یه‌ و هنده‌ك وه‌لاتى بۆ ده‌مێ 3 هه‌یڤانه‌ ل هیڤیا پاسپۆرتێن خۆ نه‌ و هێشتا وه‌رنه‌گرتینه‌ و كێشه‌ بۆ نه‌بوونا ده‌فته‌رێن پاسپۆرتان ڤه‌دگه‌ریت.
د ڤێ ده‌ربارێ دا گاڤ په‌یوه‌ندى ب فه‌رمانگه‌ها پاسپۆرتێن دهۆكێ كر، لێ ئاماده‌نه‌بوو چ داخویانیان بده‌ن، لێ گاڤ دیڤچوون كریه‌ و دیاربوویه‌ كو كێشه‌یا سه‌رانسه‌رى یه‌ و ل پارێزگه‌هێن دى یێن كوردستان و ئیراقێ ژى هه‌یه‌.
ل گۆره‌ى دیڤچوونا گاڤ، ژبه‌ر گیروبوونا ده‌رخستن و نویكرنا پاسپۆرتان كێشه‌ بۆ ب هزاران وه‌لاتیان چێبووینه‌، ب تایبه‌ت ژى بازرگان و ئه‌و نه‌خۆشێن پێدڤى ب چاره‌سه‌رییێ هه‌ى.