پارێزگارێ هه‌ولێرێ: تا 1ى نيسانێ مووله‌تێ دده‌ينه جهێن بازرگانى دا تابلۆيێن خۆ بكه‌نه كوردى
02/25/2023 - 20:54
بەلاڤ بکە
گاڤ
پارێزگه‌ها هه‌ولێرێ مووله‌ت تا 1ى هه‌يڤا نيسانێ دا جهێن بازرگانى دا كو تابلۆيێن خۆ بكه‌نه زمانێ كوردى و ب به‌روڤاژى دێ هێنه سزادان.
ئومێد خۆشناو پارێزگارێ هه‌ولێرێ ئه‌ڤرۆ شه‌مبيێ راگه‌هاند؛ ژ به‌رى ده‌ست ب رێكاران بكه‌ين، تا 1ى نيسانێ دێ مووله‌ت ب جهێن بازرگانى هێته دان دا كو تابلۆيێن خۆ بكه‌نه زمانێ كوردى.
ئاشكرا ژى كر؛ ئه‌گه‌ر هه‌ر جهه‌كێ بازرگانى تا 1/4/2023 تابلۆيێن خۆ بۆ زمانێ كوردى نه‌گوهۆڕيت، دێ هێته غه‌رامه‌كرن، پشتى هينگێ ژى ئه‌گه‌ر پابه‌ند نه‌بن، دێ جهێ وێ هێته داخستن.
ديار ژى كر؛ پێدڤيه ناڤێن ده‌گمه‌ن ل سه‌ر تابلۆيێن جهێن بازرگانى بهێنه گوهۆڕين و ئه‌م وه‌ك حكومه‌ت دێ ئاسانكاريان بۆ كه‌ين.
زێده ژى كر: پێدڤيه ريستۆرانت و جهێن گه‌شتيارى ليستا خوارنێ بكه‌نه كوردى و ب به‌روڤاژى دێ رێكار ل هه‌مبه‌ر وان هێنه وه‌رگرتن.
