تويتهر تايبهتمهنديهكا نوى بهردهست دكهت
گاڤ
تۆڕا تويتهرى تايبهتمهنديهكا نوى بۆ زانينا رياكشنا جهماوهرى ل گهل تويتان بهردهست كر.
كۆمپانيا تويتهر راگههاند؛ ساخلهتێ نوى يێ زانينا ژمارهيا جارێن بكارهينهران تويتهك بۆ ليستهيا بوكمارك Bookmarks يا خۆ زێدهكرين، هاته بهردهستكرن.
ئهڤ ساخلهته ژ بۆ ههلسهنگاندنا راددهيێ جهماوهرييا تويتێ يه ل گهل ئامارێن دى يێن وهكى ريتويت، ژمارهيا جارێن خواندنا تويتێ و كۆمێنتێن ل سهر هاتينه دان.
ئهڤ ساخلهته نوكه ب تنێ بۆ موبايلێن سيستهمێ وان IOS بهردهست بوويه و تا نوكه ناهێته زانين كا كهنگى دێ بۆ موبايلێن دى بهردهست بيت.
ئهڤ ساخلهته يێ نهێنى يه و ناهێته زانين كيژ بكارهينهران تويتهك بۆ ليستا خۆ يا بوكمارك زێده كرينه، بهلكو ب تنێ ژمارهيا بكارهينهرێن ئهڤ كاره كرين دێ بۆ ههمى كهسێن تويتێ دخوينن، ديار بيت.
ههر ژ دهمێ تهمامكرنا ئيلۆن ماسك بزنسمانێ ئهمريكى بۆ ههڤبهستا كڕينا تويتهرى ب بهايێ 44 مليار دۆلاران ل 27ى ئوكتوبهرا سالا بۆرى، وى دهست ب ژمارهيهكا گوهۆڕينان د كۆمپانيێ و ئهپليكهيشنێ تويتهرى دا كريه.