ژ بۆ ڤهگهڕاندنا مێسى.. چار تشت ل سهر بهرشلۆنا پێدڤی نه
گاڤ
یانهیا بهرشلۆنا بزاڤێن دوباره ڤهگهڕاندنا مێسى دكهت و ژ بۆ ڤێ چهندێ چار تشت ل سهر وێ پێدڤى نه.
گرێبهستا لیۆنێل مێسى ل گهل پاریس سان جێرمان ل هاڤینا ئهڤ ساله ب دویماهیك دهێت و ههردو لایهن ژ بۆ نویكرنا وێ نهگههشتینه رێككهفتنێ.
رۆژنامهیا موندۆ دێپۆرتیڤۆ یا ئسپانى ئهڤرۆ دوشهمبیێ بهلاڤكریه؛ ئهگهر بهرشلۆنا بڤێت مێسى دوباره ڤهگهڕینیته دناڤ رێزێن خۆ دا، چار تشت ل سهر وێ پێدڤی نه.
ل دۆر وان چار تشتان ئاشكرا كریه؛ پێدڤیه بهرشلۆنا مووچه و ئۆفهرهكا دارایى یا باش پێشكێشى مێسى بكهت، خوان لاپۆرتا سهرۆكێ یانهیێ ئهگهرێن نوینهكرنا گرێبهستا مێسى ل سالا 2021 بۆ وى دیار بكهت، پشتراستبوون ژ بنپێنهكرنا رێسایێن یاریا پاقژ و رازیبوون ل سهر مهرجێ مێسى ب ئهنجامدانا گۆتوبێژێن نهێنى و نهك ئاشكرا چونكى هێشتا ئهو یاریكهرێ یانهیا فرهنسى یه.
ئاماژه بۆ وێ چهندێ دچن كو مێسى گرێبهستا خۆ ل گهل یانهیا فرهنسى نوى ناكهت و زێدهبارى بهرشلۆنا، هندهك یانهیێن دى ژى و ب تایبهت ژ ئهمریكا و سعوودیه هزر د ئینانا مێسى بۆ دناڤ رێزێن خۆ دا دكهن.