بریتانیا سزایێن نوى ل سهر ئیرانێ سهپاندن
04/24/2023 - 17:04
گاڤ
بریتانیا سزایێن نوى ل سهر ژمارهیهكا ئهندامێن سوپایێ پاسداران یێ ئیرانێ سهپاندن.
بریتانیا ئهڤرۆ دوشهمبیێ راگههاند كو ب ههماههنگى ل گهل ئهمریكا و ئێكهتیا ئهورۆپى ژمارهیهكا دى یا سزایان ل سهر هندهك بهرپرسێن ئیرانى و ژ وان ژى هندهك ئهندامێن سوپایێ پاسداران هاتنه سهپاندن.
بریتانیا دیاركر كو ئهو ئهندامێن سوپایێ پاسداران ژ بنپێكاریێن مافێ مرۆڤى ل ئیرانێ بهرپرسن.
حكومهتا بریتانى سهپاندنا سزایان ل سهر چار ژ سهركردهیێن سوپایێ پاسداران راگههاند.
جێمس كلێڤهرلى وهزیرێ دهرڤه یێ بریتانیا دیاركر "بریتانیا و ههڤپشكێن نێڤدهولهتى جارهكا دى دوپاتكرن كو ئهو ل سهر سهركوتكرنا هۆڤانه ل ئیرانێ بێدهنگ نابن و دێ ژمارهیهكا رێكاران بۆ لێپرسینێ ل گهل رژێما ئیرانێ ل سهر كارێن وێ گرینه بهر".