ماركا: ره‌نگه هارى كین جهێ بێنزێماى بگریت
بەلاڤ بکە
گاڤ
راپۆرته‌كا میدیایى یا ئسپانى ئاشكرا كر كو ره‌نگه هارى كین یاریكه‌رێ توتێنهام و كاپتنێ هه‌لبژارتیێ ئنگلترا بچیته دناڤ رێزێن ریال مه‌درید دا ئه‌گه‌ر بێنزیماى رێزێن یانه‌یا ئسپانى هێلان.
ژماره‌یه‌كا نووچه‌یان د رۆژێن بۆرى دا به‌لاڤبووینه كو كه‌ریم بێنزێما هێرشبه‌رێ ریال مه‌درید ره‌نگه رێزێن یانه‌یێ ب جهـ بهێلیت و ژ به‌ر ڤێ چه‌ندێ یانه‌یا ئسپانى دێ ل پێگوهۆڕه‌كێ بۆ تژیكرنا جهێ وى گه‌ڕیت.
رۆژنامه‌یا ماركا یا ئسپانى ل دۆر ڤێ چه‌ندێ به‌لاڤكریه "دانيێل لێڤى سه‌رۆكێ توتێنهام چ كێشه ل گه‌ل چوونا هارى كین بۆ دناڤ رێزێن ریال مه‌درید دا نینن ئه‌گه‌ر پشتراستبوو كو دێ یانه‌یا ئنگلیزى ب جهـ هێلیت".
دیار ژى كریه كو "ئارمانجا سه‌ره‌كى یا لێڤى ئه‌وه هارى كین دناڤ رێزێن توتێنهام دا بمینیت، لێ ئه‌گه‌ر هه‌ردو لایه‌ن ل سه‌ر نویكرنا گرێبه‌ستێ نه‌گه‌هشتنه رێككه‌فتنێ، دێ یانه ل ڤێ هاڤینێ وى فڕۆشیت".
سه‌رۆكێ توتێنهام مه‌رجه‌ك دانایه بۆ ده‌ركه‌فتنا هارى كین ژ یانه‌یێ ئه‌گه‌ر ل سه‌ر نویكرنا گرێبه‌ستا خۆ رازى نه‌بیت، ئه‌و ژى ئه‌وه كو بچیته دناڤ رێزێن یانه‌یه‌كێ دا ژ ده‌رڤه‌ى ئنگلترا، راپۆرتا ماركا زێده كریه.
