لێكۆلینهك ئاماژهیێ ددهته گرنگیا نڤستنێ ههر شهڤ د ئێك دهم دا
گاڤ
ژمارهیهكا لێكۆلینان بهرى نوكه گرنگیا نڤستنێ شهڤانه بۆ 7 تا 8 دهمژمێران دیاركرینه و لێكۆلینهكا نوى بهحس ل گرنگیا نڤستنێ ههر شهڤ د ئێك دهمێ دهستنیشانكرى دا دكهت.
دهمێ نڤستنێ شهڤانه ژ مرۆڤهكێ بۆ ئێكێ دى دهێته گوهۆڕین و گهلهك ژ مرۆڤان ههر شهڤ ل دهمهكێ یان دهمژمێرهكا جودا ژ یا رۆژا دى دنڤن و ب تایبهت ل دهمێ بێهنڤهدانان.
لێكۆلینهكا نوى ئاشكرا كریه كو ئهگهر مرۆڤ ههر شهڤ د ئێك دهمێ دهستنیشانكرى دا بنڤیت، ڤێ چهندێ ژمارهیهكا مفایان بۆ ساخلهمیا مرۆڤى ههنه.
لێكۆلینهكا زانكۆیا بێرمینگهام یا بریتانى ئاشكرا كریه؛ ئهو كهسێن ههر شهڤ د ئێك دهمێ دهستنیشانكرى دا دنڤن و ههر سپێده ل ئێك دهم ب شێوهیهكێ رێكخستى هشیار دبن، وان شیانین كاركرنێ و سهركهفتنێ د وێ رۆژێ دا پتر ژ كهسێن دى ههنه ههروهسا كێمتر تووشى كێشهیێن نڤستنێ و هشیاربوونێ د دهمێ نڤستنێ دا دبن.
لێكۆلینێ پشتبهستن ل سهر تیتالێن نڤستنێ یێن 61 كهسان كربوو و ژ وان هاتبوو خواستن كو بۆ دهمێ چار حهفتیان رۆژانه دهمێ نڤستنا خۆ تۆمار بكهن.