بهایێ دۆلارهكێ بهرانبهر 1300 دیناران پهسهند بوو و بهرمیلهكا پهترۆلێ ب 70 دۆلاران هاته تهخمینكرن
06/09/2023 - 00:38
گاڤ
پهرلهمانێ ئیراقێ بهایێ دۆلارهكێ بهرانبهر 1300 دیناران د بودجهیێ دا پهسهندكر ههروهسا بهایێ بهرمیلهكێ پهترۆلێ ب 70 دۆلاران د بودجهیێ دا تهخمینكر.
پهرلهمانێ ئیراقێ د دهنگدانێ ل سهر پرۆژهیاسایا بودجهیێ دا بهایێ 100 دۆلاران بهرانبهر 130 هزار دیناران د بودجهیێ دا جێگیر كر.
ههروهسا بهایێ بهرمیلهكێ پهترۆلێ د بودجهى دا ب 70 دۆلاران هاته تهخمینكرن.
پهرلهمانێ ئیراقێ د دهنگدانێ دا ل سهر بڕگهیێن بودجهیێ ماددهیێن 1، 3، 5، 6، 7 و 8 ژ بودجهیێ پهسهندكرن و ماددهیا 4 هاتیه لادان ههروهسا ماددهیا 2 هێشتا مایه.
پرۆژهیاسایا بودجهیا ئیراقێ بۆ سالێن 2023، 2024 و 2025 ژ 67 ماددهیان پێكدهێت و ب مهزنترین بودجه د دیرۆكا ئیراقێ دا ب قهبارهیێ 200 ترلیۆن دیناران دهێته هژمارتن.