گاڤ

کۆمپانیا نیۆرالینک یا ئیلۆن مەسکی چەندین سالە کار ل سەر ئامیرەیەکێ ئەلکترۆنی دکەت کو دێ ب مەژیێ مرۆڤی ڤە هێتە گرێدان و مرۆڤ ب رێکا بتنێ هزرکرنێ دێ کارێن رۆژانە کەت و ب تەمامی کونترۆلێ ل سەر کۆمپیۆتەر و مۆبایلێ کەت.

ئیلۆن مەسکی د کۆنفرانسێ تەکنۆلۆژی دا ل فرەنسا گۆت: ئامیرەیێ وان (brain chip) موولەتا بکارئینانێ ژ سازیا FDA یا ئەمریکی وەرگرتیە و ئەڤسالە دێ ئێکەم تێست ل سەر مرۆڤان کەن.

ئامیرەیێ مەژی چیپەکا بچوویکە کو دێ ب رێکا نشتەرگەریێ ب مەژیێ مرۆڤی و دەمارێن مەژی ڤە هێتە گرێدان، مرۆڤ د شێت ب رێکا ڤی ئامیرەیی بێی کو چ لڤینێن لەشی بکەت کارێن رۆژانە بکەت، بۆ نموونە مرۆڤ دشێت بتنێ ب رێکا فەرمانەکا مێشکی کۆمپیۆتەری و مۆبایلێ بکاربینیت و هەر تشتێ بڤێت دشێت بنڤیسیت.

ل گۆرەی کۆمپانیا نیۆرالینک، ئەڤ ئامیرەیە تایبەت بۆ وان کەسان هاتیە دروستکرن یێن نەخۆشیێن شەلەلا لەشی هەیی و ب رێکا ڤی ئامیرەیی مرۆڤ دێ شێت کونترۆلێ ل سەر نەخۆشیێن لەشێ خۆ کەت.