گاڤ

وه‌زاره‌تا ساخله‌میێ یا هه‌رێما كوردستانێ راگه‌هاند كو لژنه‌یه‌ك بۆ لێكۆلینێ ل دۆر گیانژده‌ستدانا ژنه‌كا نه‌خۆش ل پارێزگه‌ها هه‌ولێرێ هاته‌ پێكئینان.
ل گۆره‌ى زانیاریان، ژنه‌كێ ب مه‌ره‌ما زارۆكبوونێ سه‌ره‌دانا ئێك ژ نه‌خۆشخانه‌یێن تایبه‌ت ل هه‌ولێرێ كربوو و پاشى گیانێ خۆ ژده‌ستدابوو.
وه‌زاره‌تا ساخله‌میێ یا هه‌رێمێ ئه‌ڤرۆ دوشه‌مبیێ راگه‌هاندنه‌ك به‌لاڤكر و ئه‌ڤا ل خوارێ ده‌قێ وێ یه‌:
"ب مه‌ره‌ما پاراستنا مافێن نه‌خۆشان و دویڤچوونا نووچه‌یێ گیانژده‌ستدانا نه‌خۆشه‌كا ژن، وه‌زاره‌تا ساخله‌میێ ل بن رۆناهیا یاسایا مافێ نه‌خۆشى ژماره‌ 4 یا سالا 2020 و په‌یره‌وێ لێكۆلینێ ژماره‌ 16 یا سالا 2022 بڕیار دا ب پێكئینانا لژنه‌یه‌كا لێكۆلینى ل سه‌ر كه‌یسێ مرنا نه‌خۆشه‌كێ ل باژێڕێ هه‌ولێرێ ب چاڤدێری و ئاماده‌بوونا دادوه‌رێ نوینه‌رێ داواكاریا گشتى بۆ دویڤچوونا زانستى و یاسایى و ئاشكراكرنا ده‌رئه‌نجامان بۆ رایا گشتى".