وه‌زاره‌تا كاره‌بێ: بهایێ كاره‌بێ نه‌هاتیه گوهۆڕین
07/12/2023 - 21:29
بەلاڤ بکە
گاڤ
وه‌زاره‌تا كاره‌بێ یا حكومه‌تا هه‌رێما كوردستانێ رۆنكرنه‌ك به‌لاڤكر و تێدا دیاركر كو بهایێ كاره‌بێ نه‌هاتیه گوهۆڕین.
د رۆنكرنه‌كا وه‌زاره‌تا كاره‌بێ ئه‌ڤرۆ چارشه‌مبیێ دا هاتیه "هنده‌ك په‌یجێن سوشیال میدیایێ هنده‌ك نووچه‌یێن بێ بنه‌ما و نه‌دروست ل دۆر كرێیا كاره‌بێ به‌لاڤكرینه".
تێدا هاتیه ژى "وه‌زاره‌تا كاره‌بێ وه‌لاتیان و هه‌ڤبه‌شێن كاره‌بێ پشتراست دكه‌ت كو ب چ شێوه‌یان گوهۆڕین د نرخێ كاره‌بێ دا نه‌هاتیه كرن، ب تنێ بۆ ئاكنجیێن یه‌كه‌یێن ئاكنجیبوونێ یێن High Cost د چارچووڤه‌یێ پرۆژه‌یه‌كێ نموونه‌یى دا كاره‌بایا 24 ده‌مژمێرى بۆ هاتیه دابینكرن و چاڤدێریا ده‌رئه‌نجامێن وێ دكه‌ین، بۆ پشتراستكرنا ڤى بابه‌تى، بوویه بڕیار و د وه‌قائیعى كوردستان دا هاتیه به‌لاڤكرن".
