خوارنێن فاست فود ژمارهیهكا زیانێن ساخلهمیێ ههنه
گاڤ
خوارنێن فاست فود یان ب لهز ئهو خوارنهنه یێن ب لهز دهێنه بهرههڤكرن و پێشكێشكرن چ ل خوارنگههان بهێنه خوارن یان ل جهێن پێشوازیێ یان ب رێكا دێلیڤهرى بهێنه داخوازكرن.
خوارنێن فاست فود ب خوارنێن نهساخلهم دهێنه هژمارتن چونكى رێژهیێن بلند ژ كولیسترۆل، دوهن، كالۆرى و سودیۆمێ دناڤ دا ههنه و د بهرانبهر دا پێكهاتهیێن خۆراكى یێن گرنگ و فایبهر گهلهك كێمن تێدا.
ل گۆرهى مالپهرێ Medical News Today، خوارنێن فاست فود ژمارهیهكا زیانێن دومكورت و دومدرێژ ههنه، هندهك ژ زیانێن دومكورت یێن وان خوارنان ئهڤهنه: زێدهبوونا رێژهیا شهكرێ د خوینێ دا، بلندبوونا فشارا خوینێ و زێدهبوونا ههودانان.
ههروهسا ژ زیانێن دومدرێژ یێن خوارنێن فاست فود ئهڤهنه: زێدهبوونا كێشا لهشى، زێدهبوونا كولیسترۆلێ، نهخۆشیا شهكرێ ژ جۆرێ دوێ، نهخۆشێن دلى و بۆریێن خوینێ، پهنجهشێر و ئاریشهیێن سیستهمێ ههرسكرنێ زێدهبارى كێمبوونا بهرگریا لهشى.
ههروهسا خوانێن فاست فود پهیوهندیهك ل گهل زێدهبوونا مهترسیا پهیدابوونا ئاریشهیێن گرێداى ساخلهمیا مێشكى و خهمۆكیێ ههیه.
رێكخراوا ساخلهمیێ یا جیهانى بهرى نوكه هوشدارى ژ خوارنێن فاست فود داینه، ل گۆرهى رێكخراوێ؛ ئهو خوارنه د سالا 2019 دا ببوونه ئهگهرێ مرنا نزیكى 8 ملیۆن كهسان ل جیهانێ.