گاڤ

ده‌ستهه‌لاتا دادوه‌ریا مسرێ سزایێ سێداره‌دانێ ب سه‌ر نوشداره‌كى دا سه‌پاند، كو ل كلینیكا خۆ ل باشۆرێ قاهیره‌یا پایته‌خت، ده‌ستدرێژى و كارێن كرێت همبه‌ر 99 ژنان كرینه و ئاشكرابوونا ڤێ شه‌رمزاریێ كارڤه‌دانه‌كا مه‌زن ل مسرێ په‌یداكرییه‌.

رۆژنامه‌یا "بوابه‌ الاهرام" یا مسری د راپۆرته‌كێ دا به‌لاڤكر، نوشداره‌كێ مسرى پشتى لسه‌ر ده‌ستدرێژیكرنێ لسه‌ر ژنان هاتیه‌ ده‌سته‌سه‌ركرن، ل همبه‌ر داواكارێ گشتى دانپێدان ب تاوانێن خۆ كر و دیاركر، وى پاره‌ ژ هنده‌ك ژنان وه‌رگرتییه‌ بۆ ژبه‌ر برنا زارۆكێن وان، هه‌روه‌سا هنده‌ك ژنێن دى نه‌چار دكرن سوزنامه‌یه‌كێ ئیمزا بكه‌ن كو پاره‌ى نه‌ده‌ن و ل همبه‌ر كارێ سكسى دگه‌ل وان دا بكه‌ت.

ماوه‌یێ 17 سالانه‌ وى نوشدارى كلینیك هه‌ى كو دكه‌ڤیته‌ ناوچه‌یا شوبرا ل لایێ ره‌وز فه‌ره‌ج ل باشۆرێ قاهیره‌یا پایته‌خت، د ماوه‌یێ وان 17 سالان دا وى ده‌ستدرێژى لسه‌ر 99 ژنان كری یه‌.