گاڤ

لێكۆلینه‌كا زانستى یا نوى دیاردكه‌ت، ئه‌و زاڕۆیێن ل سه‌ر ده‌مێ كه‌ره‌نتینێ ل ده‌ما به‌لاڤبوونا نه‌خۆشییا كۆرۆنایێ ژ دایكبووین به‌رگرییه‌كا بهێز یا له‌شى هه‌یه‌ و به‌كتریایێن مفادار ژى د له‌شێ وان دا زێده‌نه‌.

په‌یمانگه‌هه‌كا سویسیرى بۆ لێكۆلینان ل زانكۆیا زیورخ لێكۆلین ل سه‌ر وان زاڕۆیان كریه‌ یێن ل سه‌ر ده‌مێ كه‌ره‌نتینێ ل ده‌ما به‌لاڤبوونا ڤایرۆسێ كۆرۆنایێ ژ دایكبووین و دیاركریه‌، وان زاڕۆیان تایبه‌تمه‌ندییه‌كا سه‌یر هه‌یه‌، به‌رگرییا له‌شێ وان گه‌له‌ك بهێزه‌ و به‌كتریایێن مفادار ژى د ناڤا له‌شێ وان دا زێده‌ترن ژ زاڕۆیێن دى.

زانایێن ئه‌و لیكۆلین كرین دیاركرینه‌، وان زاڕۆیان كێمتر پێدڤى ب دژه‌به‌كتریایان دبن بۆ چاره‌سه‌ركرنێ ل ده‌ما نه‌خۆشكه‌فتنێ و هه‌رسكرنا خوارنا وان ژى ژ یا زاڕۆیێن دى باشتره‌.