گاڤ

جێف بێزوس پشتى سێ سالان ژ ژده‌ستدانا وى بۆ ناسناڤێ ده‌وله‌مه‌ندترین كه‌سێ جیهانێ، جاره‌كا دى ناسناڤێ ده‌وله‌مه‌ندترین كه‌سێ جیهانێ بده‌ستڤه‌ئینا.

ل گۆره‌ى سیگنالێ بلۆمبێرگ یێ ملیاردێران ل 6/3/2024، سامانێ جێف بێزوس دامه‌زرێنه‌رێ ئه‌مازۆن هه‌ر ده‌ستپێكا سالا 2024 تا نوكه‌ ب نزیكى 20 ملیار دۆلاران زێده‌بوویه‌ و گه‌هشتیه‌ 197 ملیار دۆلاران.

بێرنارد ئارنۆ بزنسمانێ فره‌نسى ل رێزا دوێ هات، سامانێ ئارنۆى د سالا 2024 دا ب 16 ملیار دۆلاران زێده‌بوویه‌ و سه‌رجه‌مێ سامانێ وى گه‌هشتیه‌ 195 ملیار دۆلاران.

ئیلۆن ماسك خۆدانێ كۆمپانیێن تێسلا و ئێكس ل رێزا سیێ د رێزبه‌ندییا ده‌وله‌مه‌ندێن جیهانێ دا ب سامانێ 192 ملیار دۆلاران هات.

ئیلۆن ماسكى هه‌ر ژ ده‌ستپێكا ئه‌ڤ ساله‌ 2024 تا نوكه‌ نزیكى 37 ملیار دۆلار ژ سامانێ خۆ ژده‌ستداینه‌.

كێمبوونا بهایێ پشكێن كۆمپانیا تێسلا یا ترۆمبێلێن كاره‌بێ یا ماسكى ب رێژه‌یا 7% د سالا بۆرى دا، ب ئێك ژ ئه‌گه‌رێن كێمبوونا سامانێ ماسكى دهێته‌ هژمارتن.