هۆلهندا د سالهكێ دا ب بهایێ پتر ژ 4 ملیار دۆلاران گول فرۆشتینه
گاڤ
هۆلهندا د سالهكێ دا ب بهایێ پتر ژ 4 ملیار دۆلاران گول فرۆشتینه و ل سهرێ رێزبهندییا وهلاتان بۆ هناردهكرنا گولان بۆ دهرڤه هات.
پلاتفۆرما كومترید یا گرێداى نهتهوهیێن ئێكگرتى دیار دكهت؛ هۆلهندا بۆ هناردهكرنا گولان د سالا بۆرى دا ل رێزا ئێكێ د رێزبهندییا وهلاتان دا هات و ههر ئێك ژ كولۆمبیا و ئێكوادۆر ل رێزێن دوێ و سیێ هاتن.
هۆلهندا د سالا بۆرى دا 552 هزار تهنێن گولان ب بهایێ 4.6 ملیار دۆلاران هناردهكرینه، ههروهسا كولۆمبیا 143 هزار تهنێن گولان ب بهایێ 1.1 ملیار دۆلاران و ئێكوادۆر 181 هزار تهنێن گولان ب بهایێ 987 دۆلاران هناردهكرینه.
ههروهسا كینیا ب بهایێ 387 ملیۆن دۆلاران، نیجیریا ب بهایێ 157 ملیۆن دۆلاران، ئیتالیا ب بهایێ 126 ملیۆن دۆلاران، چین ب بهایێ 110 ملیۆن دۆلاران، كهنهدا ب بهایێ 109 ملیۆن دۆلاران، مالیزیا ب بهایێ 76 ملیۆن دۆلاران و باشوورێ ئهفریكا ب بهایێ 61 ملیۆن دۆلاران گول د سالا 2023 دا هناردهى دهرڤه كرینه.