گاڤ
نه‌ته‌وه‌یێن ئێكگرتى د سالڤه‌گه‌ڕا ده‌ستپێكرنا شه‌ڕى دا ل سووریا هۆشدارى ژ ره‌وشا سووریا دان و راگه‌هاند؛ پتر ژ 16 ملیۆن سوورییان پێدڤى ب هاریكاریێن مرۆڤایه‌تى نه‌‌.
گێر پیدرسن هنارتیێ تایبه‌ت یێ ئه‌میندارێ گشتى یێ نه‌ته‌وه‌یێن ئێكگرتى بۆ سووریا ئه‌ڤرۆ ئه‌ینیێ گۆت "قه‌یرانا مرۆڤایه‌تى ل سووریا به‌رده‌وامه‌".
ئاشكرا ژى كر؛ نزیكى 16 ملیۆن و 700 هزار كه‌س ل سووریا پێدڤى ب هاریكاریێن مرۆڤایه‌تى نه‌ و ئه‌ڤ پترین ژماره‌یه‌ هه‌ر ژ ده‌مێ ده‌ستپێكرنا شه‌ڕه‌نیخێ تا نوكه‌.
ئاماژه‌ ب وێ چه‌ندێ ژى كر "ئابوورێ سووریا تێكچوویه‌ و پتر ژ 5 ملیۆن په‌نابه‌رێن سوورى ل وه‌لاتێن جیران دژین و پتر ژ 7 ملیۆن ئاواره‌یێن ناڤخۆیى ل سووریا هه‌نه‌".
ناڤهاتى د به‌یانه‌كێ دا ئه‌ڤرۆ ئه‌ینیێ ل گه‌ل سالڤه‌گه‌ڕا شه‌ڕی ل سووریا دیاركر "بزاڤێن به‌رده‌وام ژ بۆ گه‌هشتنێ ب چاره‌سه‌رییه‌كا سیاسى بۆ ب دویماهیك ئینانا شه‌ڕه‌نیخێ ئه‌و ب تنێ دشێت هیڤییان بۆ گه‌لێ سووریا بڤه‌گه‌ڕینیت".
خۆیا ژى كر؛ تا نوكه‌ كاودانێن پێدڤى بۆ ڤه‌گه‌ڕیانه‌كا ئێمن و ب حه‌زا خۆ بۆ په‌نابه‌ر و ئاواره‌یێن سوورى په‌یدانه‌بوویه‌.