ئه‌مریكا و بریتانیا و فره‌نسا و ئه‌لمانیا به‌یانه‌ك ل دۆر سووریا به‌لاڤكرن
بەلاڤ بکە
گاڤ
ژماره‌یه‌كا وه‌لاتێن زلهێز راگه‌هاندن؛ بێى هه‌بوونا چاره‌سه‌رییه‌كا سیاسى سزایێن ل سه‌ر رژێما سووری ناهێنه راكرن.
هه‌ر ئێك ژ ئه‌مریكا و بریتانیا و فره‌نسا و ئه‌لمانیا د سالڤه‌گه‌ڕا ده‌ستپێكرنا شه‌ڕى دا ل سووریا به‌یانه‌ك به‌لاڤكرن و تێدا راگه‌هاندن؛ په‌یوه‌ندى ل گه‌ل رژێما سوورى ناهێنه ئاساییكرن، سزا ناهێنه هه‌لوه‌شاندن و دوباره ئاڤاكرنا سووریا رویناده‌ت بێى هه‌بوونا چاره‌سه‌رییه‌كا سیاسى.
دیار ژى كرن "شه‌ڕ ل سووریا ب دویماهیك نه‌هاتیه و مه‌رجێن ڤه‌گه‌ڕیانا ب ئێمن و ب حه‌زا خۆ یا په‌نابه‌رێن سووری هێشتا په‌یدا نه‌بووینه".
د به‌یانێ دا دوپاتى ل سه‌ر ب دویماهیك ئینانا بنپێكاریێن مافێ مرۆڤێ ژ لایێ رژێما ئه‌سه‌دى ڤه هاتیه كرن.
هه‌روه‌سا دوپاتى ل سه‌ر وێ چه‌ندێ هاتیه كرن "هاریكاریێن مرۆڤایه‌تى ب رێكا سنوورى كاره‌كێ پێدڤیه ژ بۆ گره‌نتیكرنا وه‌رگرتنا كه‌سێن مه‌ده‌نى بۆ پشته‌ڤانییا پێدڤى".
