مایك پێنس: پشتهڤانیێ ل ترامپى ناكهم
گاڤ
مایك پێنس راگههاند ئهو پشتهڤانیێ ل دۆنالد ترامپى د ههلبژارتنێن بهێت یێن سهرۆكاتیا ئهمریكا دا ناكهت.
مایك پێنس ژ پارتا كۆماری یه و جێگرێ سهرۆكێ ئهمریكا بوو ژ سالا 2017 ههتا 2021 ل وى دهمێ دۆنالد ترامپ سهرۆكێ ئهمریكا بووى.
مایك پێنس بۆ فۆكس نیوز راگههاندیه كو ئهو پشتهڤانیێ ل ترامپى د ههلبژارتنێن ئهڤ ساله 2024 دا ناكهت، ل گهل وێ چهندێ ژى دیاركر كو ئهو دهنگى ب جۆ بایدنى ژى بهربژارێ پارتا دیمۆكراتى نادهت.
مایك پێنس دیاركر؛ ئهو دێ بابهتى هێلیت نهێنى كا دێ د ههلبژارتنێن چرییا دوێ یا بهێت دا دهنگى ب كێ دهت.
پێنس نهشیا ببیته بهربژارێ پارتا كۆمارى بۆ ههلبژارتنان، ژ لایێ خۆڤه دۆنالد ترامپ شیایه دهنگێن پێدڤى یێن مهندوبان بدهستڤهبینیت ژ بۆ گرهنتیكرنا وێ چهندێ كو ببیته بهربژارێ كۆمارییان د ههلبژارتنێن سهرۆكاتییا ئهمریكا دا.
پێنس ئاماژه دا ههبوونا بۆچوونێن جودا ل گهل ترامپى د ژمارهیهكا كێشهیان دا.