راپۆرته‌ك به‌حسێ هه‌ڤڕكیێن دناڤ پارتا پارێزگاران دا و پاشه‌رۆژا ریشى سوناكى دكه‌ت
بەلاڤ بکە
گاڤ
رۆژنامه‌یا ئیندێپێندێنت یا بریتانى هنده‌ك پرسیار ئازراندینه كا په‌رله‌مانتارێن پارتا پارێزگاران یا بریتانى دێ سه‌رۆكوه‌زیره‌كێ نوى ل جهێ ریشى سوناكى به‌رى هه‌لبژارتنێن گشتى ل بریتانیا ده‌ستنیشان كه‌ن یان نه ل ده‌مه‌كێ به‌حس ل گوهۆڕینا سوناكى ب پێنى موردانت سه‌رۆكا جڤاتا كومۆنان هه‌یه.
وێ راپۆرتێ دیاركریه "ریشى سوناك ئێدێ كونترۆلا ل سه‌ر پارتا پارێزگاران ژده‌ستدایه ژ به‌ر پاشڤه‌چوونا هێزا جه‌ماوه‌رى یا حزبێ دناڤ ده‌نگده‌ران دا".
راگه‌هاندیه ژى "هنده‌ك په‌رله‌مانتاران ژ پارتا پارێزگاران وه‌كى هه‌ردو وه‌زیرێن به‌رێ ئه‌ندریا جێنكینز و سیمۆن كلارك ب ئاشكرایێ داخوازا چوونا ریشى سوناكى كرینه".
لێ د به‌رانبه‌ر دا، هنده‌ك ئه‌ندامێن مه‌زن د پارتا پارێزگاران دا ژ وان ژى جاكوب ریس موگ هزرا گوهۆڕینا سوناكى به‌رى هه‌لبژارتنان ب شێتاتى بناڤكریه.
راپۆرت دیار ژى دكه‌ت "هنده‌ك ژ ته‌خێن پارتا پارێزگاران بزاڤان دكه‌ن پێنى موردانت ببیته سه‌رۆكا حزبێ بێى هه‌لبژارتنێن ناڤخۆیى و ئه‌گه‌ر بزاڤێن گوهۆڕینا سوناكى ب موردانتێ سه‌رگرتن چ ب كۆده‌نگى یان ب هه‌ڤڕكییا هه‌لبژارتنان، فشارێن داخوازكرنێ بۆ ئه‌نجامدانا هه‌لبژارتنێن گشتى یێن به‌روه‌خت دێ د دژوار بن و ل وى ده‌مى دێ بیته چاره‌م سه‌رۆكوه‌زیر هه‌ر ژ ده‌مێ هه‌لبژارتنێن گشتى یێن 2019 تا نوكه".
ب گشتى، راپۆرتێ پێشبینى نه‌كریه سوناك د ده‌مێ نوكه دا بهێته دویرخستن.
