بۆ بهرسینگگرتنا ههلئاوسانێ بهنكا ناڤهندى یا توركى تێكرایێ قازانجێ زێدهكر
گاڤ
بۆ بهرسینگگرتنا بلندبوونا تێكرایێن ههلئاوسانێ بهنكا ناڤهندى یا توركى تێكرایێن قازانجێ بهروڤاژى پێشبینییان بلندكرن.
پێشبینى ئهو بوون تێكرایێن قازانجێ ل توركیا وهكى نوكه بمینن ئانكۆ رێژهیا 45%، لێ بهنكا ناڤهندى یا توركى ئهڤرۆ پێنجشهمبیێ بڕیارا بلندكرنا تێكرایێن قازانجێ ب 500 خالێن بنهرهتى دا.
ب ڤێ چهندێ تێكرایێن قازانجێ ل توركیا بۆ 50% هاته بلندكرن.
تێكرایێ ههلئاوسانێ ل توركیا د ههیڤا شوباتا بۆرى دا بلند ببوو و گههشتبوو 67.1% ل سهر بنیاتهكێ سالانه ب ههڤبهركرن ل گهل 64.9% ل ههیڤا كانوینا دوێ یا بۆرى.
بهایێن كهرهستهیێن خوارنێ ل توركیا ب رێژهیا 71.1%، هاتنوچوون ب رێژهیا 78%، خزمهتگۆزاریێن ساخلهمیێ ب رێژهیا 81.25%، فێركرن ب رێژهیا 91.8% و ئۆتێل و خوارنگههـ ب رێژهیا 94.8% بلند بووینه ل گۆرهى ئینستیتیۆتا ئاماران یا توركى.