گاڤ

به‌رپرسه‌كێ نه‌ته‌وه‌یێن ئێكگرتى داخوازا ته‌رخانكرنا 4 ملیار دۆلاران د سالا 2024 دا بۆ گه‌هاندنا هاریكاریێن مرۆڤایه‌تى بۆ سووریا كر.

ئاده‌م عه‌بدولمه‌لا رێكخه‌ر و به‌رپرس د رێكخراوا نه‌ته‌وه‌یێن ئێكگرتى دا بۆ كاروبارێن سووریا ئه‌ڤرۆ ئه‌ینیێ دیاركر "د سالا 2024 دا داخوازا 4.07 ملیار دۆلاران ژ بۆ هاریكاریێن مرۆڤایه‌تى بۆ 10.8 ملیۆن وه‌لاتیێن سووریا دكه‌ین".

خۆیا ژى كر "ب كێماسى 12.9 ملیۆن وه‌لاتیێن سوورى ئاسایشا خۆراكى نینن".

ژ لایێ خۆڤه‌، ئاژانسا UNHCR راگه‌هاند "پتر ژ 16.7 ملیۆن كه‌س ل سووریا كو دبیته‌ رێژه‌یا 75% ژ ئاكنجیێن وێ پێدڤى ب هاریكاریێن ب له‌زن".

وێ ئاژانسێ دیار ژى كر "د سالا 2023 دا ب تنێ 30% ژ پاره‌یێ داخوازكرى گه‌هشتبوو ده‌ستێ مه‌".