گاڤ

لێكۆلینه‌كا نوى دیاركریه‌؛ هه‌لمژینا هه‌وایێ پیس بۆ چه‌ند ده‌مژمێران یان رۆژان دبیته‌ ئه‌گه‌رێ پتر ژ ملیۆن حاله‌تێن مرنا به‌روه‌خت ل جیهانێ سالانه‌.

لێكۆلینه‌كا نوى یا ژماره‌یه‌كا زانایان ئاشكرا كریه‌؛ هه‌لمژینا ته‌نۆلكه‌یێن هویر یێن ب ناڤێ PM2.5 نه‌ ب تنێ بۆ مه‌ودایێ دومدرێژ یا ب مه‌ترسیداره‌ به‌لكو هه‌لمژینا وان بۆ چه‌ند ده‌مژمێران یان رۆژان ژى  دبیته‌ ئه‌گه‌رێ پتر ژ ملیۆن حاله‌تێن مرنێ ل سه‌رانسه‌رى جیهانێ.

لێكۆلینا د كۆڤارا ساینتیك ئه‌لێرت دا به‌لاڤبووى دیاركریه‌ "هه‌ر سال پتر ژ ملیۆن كه‌سان ل جیهانێ ژ به‌ر هه‌لمژینا بۆ چه‌ند ده‌مژمێران یان چه‌ند رۆژان یا ته‌نۆلكه‌یێن هویر یێن ب ناڤێ PM2.5 یێن د پیسبوونا هه‌واى دا هه‌ین، گیانێ خۆ ژده‌ستدده‌ن".

ئه‌و لێكۆلینا ژ لایێ پرۆفیسۆر یۆمینگ جۆ ڤه‌ هاتیه‌ ئه‌نجامدان یا گرنگه‌ چونكى ئێكه‌م لێكۆلینه‌ به‌حسێ كارتێكرنا دومكورت یا هه‌وایێ پیس ل سه‌ر ساخله‌مییا مرۆڤى دكه‌ت، كو لێكۆلینێن به‌رى نوكه‌ به‌حس ل كارتێكرنێن دومدرێژ یێن وێ كربوون.

بۆ لێكۆله‌ران ئاشكرا بوویه‌ "هه‌لمژینا ته‌نۆلكه‌یێن هویر PM2.5 بۆ چه‌ند ده‌مژمێران یان چه‌ند رۆژان دبیته‌ ئه‌گه‌رێ پتر ژ ملیۆن حاله‌تێن كرنا به‌روه‌خت ل سه‌رانسه‌رى جیهانێ هه‌ر سال و ب تایبه‌ت ل ئاسیا و ئه‌فریكا".