ژماره‌یه‌كا نه‌رازیبوونان دژى كۆمپانیا مێتا ده‌ستپێكرن
بەلاڤ بکە
گاڤ
ژماره‌یه‌كا چالاكڤانان ل ئه‌ورۆپا هه‌وه‌ك دژى كۆمپانیا مێتا ژ به‌ر بڕیارا وێ ب كێمكرنا كێمترین ته‌مه‌نێ پێدڤى بۆ بكارئینانا وه‌تسئه‌پى ژ 16 سالان بۆ 13 سالان ده‌ستپێكرن.
ئه‌ڤ گوهۆڕینا نوى یا مێتایێ بۆ وه‌تسئه‌پى به‌رده‌ستكرى به‌رى دو رۆژان چوویه د وارێ بجهئینانێ دا، هه‌رچه‌نده ل شوباتا بۆرى هاتبوو راگه‌هاندن، وه‌كى رۆژنامه‌یا گاردیان ئاماژه‌پێكرى.
هه‌وا ب ناڤێ ’زارۆكاتییه‌كا ڤالا ژ موبایلێن سمارت’ دیاركریه كو ئه‌و بڕیارا مێتایێ یا هه‌ڤدژه ل گه‌ل داخوازیێن ژ كۆمپانیێن ته‌كنولۆژى دهێنه كرن ژ بۆ پاراستنا زارۆكان ژ كارتێكرنێن سۆشیال میدیایێ.
ئاماژه ب وێ چه‌ندێ ژى كریه "رێكپێدان ب هه‌ر كه‌سه‌كێ ته‌مه‌نێ وى ژ 12 سالان پتر ب بكارئینانا وه‌تسئه‌پى (به‌رى نوكه كێمترین ته‌مه‌ن 16 سال بوون) وێ نامه‌یێ دگه‌هینیت كو ئه‌و یا ئێمنه بۆ زارۆكان"، لێ ژماره‌یه‌كا شاره‌زایان و مامۆستایان و سه‌میانان به‌روڤاژى وێ چه‌ندێ دبینن.
پشكدارێن وێ هه‌وێ ره‌خنه‌یێ ل كۆمپانیێن مه‌زن یێن ته‌كنولۆژى دگرن كو ئه‌و قازانجێن خۆدانێن پشكان د كۆمپانیێ دا دداننه به‌رى پاراستنا زارۆكان، ژ لایێ خۆڤه پلاتفۆرما وه‌تسئه‌پى ئه‌ڤ چه‌نده ره‌تكریه و دیاركریه؛ بڕیارا وێ یا گونجایه ل گه‌ل وێ چه‌ندا ل پرانییا وه‌لاتێن جیهانێ هه‌ى.
