ئهپیكۆر: سهرهدانا سوودانى بۆ ئهمریكا دهلیڤهیهكا گرنگه بۆ دهستپێكرنا هناردهكرنا پهترۆلا كوردستانێ
گاڤ
كۆمهلهیا پیشهسازى یا پهترۆلێ یا ههرێما كوردستانێ راگههاند؛ سهرهدانا سهرۆكوهزیرێ ئیراقێ بۆ ئهمریكا دهلیڤهیهكا گرنگه بۆ دهستپێكرنا هناردهكرنا پهترۆلا كوردستانێ.
ئهپیكۆر د بهیانهكێ دا بهرى دهمهكێ كێم ئاماژه ب وێ چهندێ كریه؛ گرێبهستێن كۆمپانیێن وان ل گهل حكومهتا ههرێمێ دێ بهردهوام بن.
ئهپیكۆر راگههاند "سهرهدانا محهمهد شیاع سوودانى سهرۆكوهزیرێ ئیراقێ ل 15ى نیسانێ بۆ ئهمریكا دهلیڤهیهكا گرنگه بۆ ب دویماهیك ئینانا وێ ئالۆزییا د بابهتێ دهستپێكرنا هناردهكرنا پهترۆلا كوردستانێ دا ههى".
دیار ژى كریه "كۆمپانیێن ئهندام د ئهپیكۆر دا ب گرێبهستێن خۆ ل گهل حكومهتا ههرێما كوردستانێ د پێگیرن و پێشوازیێ ل ههر دهستپێشخهرییهكێ دكهن كو ببیته ئهگهرێ دهستپێكرنا هناردهكرنا پهترۆلێ".
كۆچكا سپى یا ئهمریكى بهرى نوكه راگههاند بوو؛ سوودانى دێ ل 15ى نیسانێ سهرهدانا ئهمریكا كهت و د دیدارهكێ دا ل گهل جۆ بایدن سهرۆكێ ئهمریكا دێ ژمارهیهكا بابهتان هێنه بهحسكرن.
ههر ژ 25ى ئادارا سالا 2023 هناردهكرنا پهترۆلا كوردستانێ ب رێكا بهندهرێ جیهان یێ توركى پشتى بڕیارا دهستهیا ناڤبژیڤانیێ یا گرێداى ژوورا بازرگانى یا نێڤدهولهتى ل پاریس راوهستیایه، ئهڤ چهنده پشتى سكالایهكا ئیراقێ ل سهر توركیا ژ بهر هناردهكرنا پهترۆلا كوردستانێ ژ سالا 2014 ههتا 2018 ب رێكا توركیا هات و بڕیارا سزادانا توركیا ب 1.5 ملیار دۆلاران دابوو.