گاڤ
كه‌نه‌دا هۆشدارى دانه‌ وه‌لاتیێن خۆ ژ سه‌ره‌دانێ بۆ ئسرائیلێ و غه‌زه‌ و كنارێ رۆژئاڤا ل فله‌ستینێ هه‌ڤده‌م ل گه‌ل زێده‌بوونا گرژییان ل رۆژهه‌لاتا ناڤین.
میلانى جولى وه‌زیرا ده‌رڤه‌ یا كه‌نه‌دا داخواز ژ وه‌لاتیێن كه‌نه‌دى ل ده‌ڤه‌رێ كر ب ئالاڤێن هاتنوچوونێ یێن بازرگانى ده‌ڤه‌رێ بجهبهێلن.
هه‌روه‌سا دیاركریه‌ "ئاستێ مه‌ترسیێ یێ بلنده‌ و پێدڤیه‌ هه‌مى سه‌ره‌دانێن بۆ ئسرائیلێ و كنارێ رۆژئاڤا بهێنه‌ راوه‌ستاندن".
ژ به‌ر گرژیێن ل رۆژهه‌لاتا ناڤین و ب تایبه‌ت دناڤبه‌را ئیرانێ و ئسرائیلێ دا، به‌رى نوكه‌ ژى فره‌نسا داخواز ژ وه‌لاتیێن خۆ كربوو سه‌ره‌دانا ئیران، فله‌ستین و ئسرائیل و لوبنانێ نه‌كه‌ن، هه‌روه‌سا ئه‌لمانیا و نه‌مسا ژى ژ وه‌لاتیێن خۆ خواستبوو سه‌ره‌دانا ئیرانێ نه‌كه‌ن.
هه‌ڤده‌م ل گۆره‌ى ئاژانسێن نووچه‌یان، لڤینا ئاسمانى ل سه‌ر ئاسمانێ ئسرائیلێ ب ته‌مامى راوه‌ستیایه‌.