گاڤ

ئسرائیلێ راگه‌هاند، 99%ێ یا هێرشێن ئیرانێ بۆ سه‌ر وه‌لاتێ وان هاتینه‌ تێكشكاندن و بتنێ كچه‌كا 10 سالى بریندار بوویه‌.

دانیال هه‌گارى، په‌یڤدارێ سوپایێ ئسرائیلێ راگه‌هاند، ئیرانێ ب زێده‌تر ژ 300 مووشه‌كان هێرشى مه‌ كرییه‌ و 99%ێ یا هێرشێن وان هاتینه‌ تێكشكاندن و بتنێ كچه‌كا 10 سالى بریندار بوویه‌.

هه‌روه‌سا ئاشكراكر، د هێرشان دا ئیرانێ 170 درۆن، 30 مووشه‌كێن كرۆز، 120 مووشه‌كێن بالستى ئاراسته‌یى ئسرائیلێ كرینه‌ و كێمه‌ك ژ وان مووشه‌ك و درۆنان گه‌هشتینه‌ ئسرائیلێ.

هه‌روه‌سا هۆشدارى ژى ژ هێرشێن بهێت دان و دوپاتكر، هێشتا مه‌ترسییا هێرشێن ئیرانێ ل سه‌ر ئسرائیلێ مایه‌.