جون بۆلتن: دڤێت ئسرائیل تۆلا خۆ بۆ ئیرانێ نههێلیت
04/14/2024 - 21:57
گاڤ
شیرهتكارێ پێشتر یێ جڤاتا نیشتیمانییا ئهمریكا جون بۆلتن ژ ئسرائیلێ خواست تۆلا خۆ بۆ ئیرانێ نههێلیت و تۆلڤهكرنهكا ئێكلاكهر ههبیت.
بۆلتنى ئهڤرۆ ل دۆر هێرشێن شڤێدى یێن كۆمارا ئیسلامییا ئیرانێ بۆ سهر ئسرائیلێ راگههاند، هێرشان، لاوازییا ئهمریكا و ئسرائیلێ نیشان دا. گۆت ژى دڤێت ئسرائیل بهرسڤا ئیرانێ بدهت و هێرشهكا ئێكلاكهر بكهته سهر، نهك هێرشێن گونجاى و سنوردار.
شڤێدى دهردۆرێن دهمژمێر 11 سوپایێ پاسدارێن ئیرانێ ب رێكا دههان مۆشهك و درۆنێن بۆمبرێژكرى، هێرش كره سهر ئسرائیلێ، وهكو بهرسڤا كوشتنا 7 پاسدار و فهرماندێن خۆ كو د هێرشهكا ئسرائیلێ دا بۆسهر بالیۆزخانهیا ئیرانێ ل دیمهشقێ هاتبوونه كوشتن.