جۆ بایدن ل كۆچكا سپى پێشوازى ل سوودانى كر
گاڤ
سهرۆكێ ئهمریكا پێگیرییا وهلاتێ خۆ ب پاراستنا ههڤپشكێن خۆ راگههاند و سهرۆكوهزیرێ ئیراقێ ژى دیاركر كو سهرهدانا وى بۆ واشنتۆن د دهمهكێ ههستیار دایه.
جۆ بایدن سهرۆكێ ئهمریكا ئهڤه شهڤه ل كۆچكا سپى ل واشنتۆن پێشوازى ل محهمهد شیاع سوودانى سهرۆكوهزیرێ ئیراقێ كر و ههردو لایان ژمارهیهكا بابهتێن جهێ گرنگیپێدانا ههڤپشك بهحسكرن.
جۆ بایدن سهرۆكێ ئهمریكا دیاركر "ئهمریكا یا پێگیره ب پاراستنا ههڤپشكێن خۆ و ههڤپشكییا ئهمریكا و ئیراقێ بۆ ههردو وهلاتان، رۆژههلاتا ناڤین و جیهانێ یا گرنگه".
ژ لایێ خۆڤه، محهمهد شیاع سوودانى سهرۆكوهزیرێ ئیراقێ راگههاند "سهرهدانا مه بۆ واشنتۆن د دهمهكێ ههستیار و هویربین دایه و گرنگییا خۆ ژ بۆ دیرۆكا پهیوهندییان دناڤبهرا ههردو وهلاتان دا ههیه".
ئاماژه ب وێ چهندێ ژى كر "ئهم دێ گۆتوبێژان ل سهر ههڤپشكییا بهردهوام ل سهر بنیاتێ رێككهفتنا چارچووڤهیێ ستراتیژى كهین و حكومهتا ئیراقێ یا پێگیره ب دهرئهنجامێن لژنهیا ههماههنگیێ یا بلند دناڤبهرا ئیراقێ و ئهمریكا دا".
سوودانى ههروهسا دوپاتى ل سهر گرنگییا رێگریێ ل بهرفرههبوونا شهڕهنیخێ ل دهڤهرێ كر.
سهرۆكوهزیرێ ئیراقێ ههروهسا داخوازا راوهستاندنا شهڕی ل غهزه و راوهستاندنا دهستدرێژییان ل سهر كهسێن مهدهنى و ب تایبهت ژن و زارۆكان كر.
سوودانى د سهرهدانهكێ دا ل ئهمریكا یه و بهرى نوكه ل گهل ئهنتۆنى بلینكن وهزیرێ دهرڤه یێ ئهمریكا ژى كۆمببوو.
ئهنتۆنى بلینكن ل دۆر دیدارێ دیاركربوو "مه ئهڤرۆ كۆمبوونهكا نایاب ل گهل محهمهد شیاع سوودانى سهرۆكوهزیرێ ئیراقێ ههبوو".
وهزیرێ دهرڤه یێ ئهمریكا گۆتبوو ژى "مه دڤێت ههڤپشكییا خۆ ل گهل ئیراقێ بهرفرههتر بكهین".
ئاشكرا ژى كربوو كو د دیدارا ل گهل سهرۆكوهزیرێ ئیراقێ دا بهحس ل ژمارهیهكا بابهتان ژ وان ژى پهترۆل و گوهۆڕینێن سهقاى هاته كرن.
رێككهفتنا چارچووڤهیێ ستراتیژى دناڤبهرا ئهمریكا و ئیراقێ دا و بابهتێن دارایى و ئابوورى هندهك ژ فایلێن سهرهدانا سوودانى بۆ ئهمریكا پێكدئینن.