قانوونا سێدارەدانا هەڤرەگەزخوازان ل پەرلەمانێ ئیراقێ دێ کەڤیتە بەر دەنگدانێ
بەلاڤ بکە
گاڤ
پەرلەمانێ ئیراقێ برگەیەکا نوی ل قانوونا دژی لەشفرۆشییێ زێدەکرییە و تێدا سزایێ سێدارەدانێ یان زیندانا هەتاهەتایێ بۆ وان هەڤرەگەزخوازان دانایە یێن پەیوەندییێن سێکسی ل گەل هەمان رەگەزێ خۆ هەبن.
هەروەسا تێدا هاتییە ژی کو هەمان سزا دێ ژ وان کەسان ژی گریت یێن هەڤژینێن خۆ بۆ مەرەمێن سێکسی رادەستی کەسێن دی دکەن.
د برگەیا نوی دا هاتییە ژی کو هەر کەسێ ریکلامێ بۆ هەڤرەگەز خوازییێ ژی بکەت دێ ب 7 سالان هێتە زیندانکرن.
دهێتە چاڤەرێکرن ل ڤان نێزیکان ئەڤ قانوونە ب کەڤیتە بەر دەنگدانێ.
پەرلەمانتارەکێ سەربخۆ یێ ئیراقێ بۆ ئاژانسا رویتەرز گۆت؛ ئەو پێشبینی دکەت ئەڤ راستڤەکرنە بهێتە پەسەندکرن داکو دابونەریتێن جڤاکی بهێنە پاراستن.
ژمارەکا سپلۆماتکارێن بیانی ژی دەربارەی ڤێ قانوونێ بۆ ئاژانسێ گۆت: وان گەلەک فشار کرینە داکو ئەڤ قانوونە نەهێتە پەسەندکرن و ئەگەر هاتە پەسەندکرن، ئەو دێ سروشتێ پەیوەندییێن خۆ ل گەل ئیراقێ گوهۆڕن.
