جۆ بایدن بۆ سوودانى: دانا دو مووچهیان هاندهرهكێ بهێزه بۆ چارهكرنا كێشهیان
گاڤ
كۆچكا سپى یا ئهمریكا ناڤهڕۆكا كۆمبوونا جۆ بایدن، سهرۆكێ ئهمریكا و محهمهد شیاع سوودانى، سهرۆكوهزیرێن ئیراقێ بهلاڤكر و راگههاند، مژارێن گرنگ ل دۆر ههرێما كوردستانێ ناڤهڕۆكا كۆمبوونا وان بوون.
كۆچكا سپى یا ئهمریكا د راگههاندنهكێ دا ناڤهڕۆكا كۆمبوونا شڤێدى ب دهما ههرێما كوردستانێ یا جۆ بایدن، سهرۆكێ ئهمریكا و محهمهد شیاع سوودانى، سهرۆكوهزیرێن ئیراقێ بهلاڤكر و راگههاند، جۆبایدنى دهستخۆشى ل سوودانى كریه بۆ گههشتنا رێككهفتنهكا درێژ ل گهل ههرێما كوردستانێ.
ههروهسا دیاركریه، جۆ بایدن، سهرۆكێ ئهمریكا ل گهل سهرۆكوهزیرێن ئیراقێ، محهمهد شیاع سوودانى بهحسا مووچه و ههلبژارتنێن پهڕلهمانێ كوردستانێ كریه و دیاركریه، بایدنى دهستخۆشى ل بزاڤێن ههر دو حكومهتێن ههرێم و ئیراقێ كریه بۆ گههشتنا رێككهفتنهكا درێژ بۆ چارهكرنا ئارێشهیین درێژ.
كۆچكا سپى دبێژیت: بایدنى گۆتیه سوودانى دانا دو مووچهیان هاندهرهكهكێ بهێزه و بزاڤ دێ بهردهوام بن بۆ چاركرنا كێشهیان.
ههروهسا ئاشكراكریه، سهقامگیرى و گهشهپێدانا ئیراقێ ژى پشكهكا دى یا دانوستاندنان بوو د ناڤبهرا سهرۆكێ ئهمریكا و سهرۆكوهزیر دا.
ل دۆر ههلبژارتنێن پهڕلهمانێ كوردستانێ ژى پشتهڤانییا خۆ بۆ ههلبژارتنهكا ئازاد، دادپهروهرانه و شهفاف دیاركر.
ژ ئالیێ خۆڤه سهفین دزهیى، بهرپرسێ نڤێسینگهها پهیوهندیێن دهرڤه یێ حكومهتا ههرێمێ بۆ گاڤ راگههاند، سهرۆكی ئهمریكا ل گهل سوودانى بهحس ل گرنگییا چارهكرنا كێشهیێن ناڤبهرا ههولێر و بهغدایێ كریه و دیاركریه، ئهو كێشه دێ ب رێكا دانوستاندنان چاره بن و ئارامى و سهقامگێرییا ههرێم و ئیراقێ ب گرنگ بۆ ئهمریكا و دهڤهرێ ب ناڤكریه.
ههروهسا دیاركر، بهحس ل بابهتێن گرنگ هاتیه كرن ژ وان ژى پهیوهندیێن پاشهرۆژێ یێن ناڤبهرا ئیراق و ئهمریكا دا.
سهرۆكوهزیرێن ئیراقێ ب سهرهدانهكا فهرمى ل ئهمریكایه، چهندین مژار ل گهل سهرۆكێ ئهمریكا بهحسكرینه، پرسێن گرێدایى مووچهیى و پهترۆلا ههرێمێ ژى د ناڤا وان مژارێن گرنگ دابوون.