سێ کەس ب تۆمەتا سۆتنا بازارێ لەنگە هاتنە دەستەسەرکرن
04/16/2024 - 17:35
گاڤ
ئەڤرۆ سێ کەس ب تۆمەتا سۆتنا بازارێ لەنگە یێ هەولێرێ ژ ئالییێ پۆلیسان ڤە هاتنە دەستەسەرکرن.
پەیامنێرێ گاڤ ل هەولێرێ راگەهاند؛ پشتی پێکئینانا لژنەیەکا هەڤپشک د ناڤبەرا ئاسایش و پۆلیسێن هەولێرێ دا بۆ ڤەکۆلینان دەربارەی چەوانییا سوتنا بازارێ لەنگە، ئەڤرۆ رۆژا سێشەمبی سێ کەس دەستەسەرکرن.
ئێک ژ خودانێن وان دوکانێن هاتییە سوتن بۆ گاڤ گۆت: وان زانیاری هەنە کو ئەو کەسێن هاتینە گرتن هەر خودانێن دوکانێن بازاری بوون.
ل رۆژا 8/4/2024 ئاگر بەربوو بازارێ لەنگە ل هەولێرێ و ژ ئەنجامێ ئاگری 48 دوکان ب تەمامی سۆتن.