گاڤ

رێكخه‌رێ په‌یوه‌ندیێن ستراتیژى ل جڤاتا ئاسایشا نیشتیمانییا كۆچكا سپى د داخۆیانییه‌كا رۆژنامه‌ڤانى دا راگه‌هاند، سه‌رۆك جۆ بایدن ناخوازیت شه‌ڕ دگه‌ل ئیرانێ روى بده‌ت و ململانێ كویرتر و به‌رفره‌هتر لێ بهێن.

جۆن كێربى،  رێكخه‌رێ په‌یوه‌ندیێن ستراتیژى ل جڤاتا ئاسایشا نیشتیمانى یا كۆچكا سپى ئاماژه‌ ب وێ ئێكێ ژى دا، ئه‌و سه‌ركه‌فتنێن ئسرائیلێ د به‌رسڤدانا هێرشێن ئیرانێ دا بده‌ستڤه‌ئیناى، هێزا وى وه‌لاتى و شكه‌ستنا تمامه‌تییا ئیرانێ نیشان دده‌ن.

شه‌مبیا بۆرى سوپایێ پاسدارێن ئیرانێ، ب ئاراسته‌كرنا سه‌دان فرۆكه‌ و مۆشه‌كێن كرۆز و بالستى هێرشى ئسرائیلێ كر وه‌كو به‌رسڤه‌ك بۆ هێرشا پێشتر یا ئسرائیلێ بۆ سه‌ر كونسۆلخانه‌یا ئیرانێ ل دیمه‌شقێ كو هژماره‌كا پاسدار و فه‌رماندێن وى وه‌لاتى تێدا هاتبوونه‌ كوشتن.