گهشتێن هێلێن ئاسمانى یێن ئیراقى بۆ دوبهى ژ بهر بارانان راوهستیاینه
گاڤ
كۆمپانییا هێلێن ئاسمانى یێن ئیراقى ئهڤرۆ چارشهمبیێ بڕیارا راوهستاندنا ههمى گهشتێن ئاسمانى یێن خۆ بهرهڤ دوبهى و ژ دوبهى ژ بهر تێكچوونا رهوشا سهقاى و بارانێن ل فڕۆكهخانهیێ دا.
هێلێن ئاسمانى یێن ئیراقى د بهیانهكێ دا دیاركریه "كارگێرییا كۆمپانییا گشتى یا هێلێن ئاسمانى یێن ئیراقى دڤێت ههمى گهشتیاران ئاگههدار بكهت كو ئهو دێ ههمى گهشتێن خۆ بۆ فڕۆكهخانهیا دوبهى و ب بهروڤاژى ئهڤرۆ چارشهمبیێ 17ى نیسانێ ب شێوهیهكێ دهمكى ژ بهر تێكچوونا رهوشا سهقاى ل باژێڕێ دوبهى راوهستینیت".
ئاماژه ب وێ چهندێ ژى كریه "ل دهمێ دوباره دهستپێكرنا گهشتێن دوبهى دێ ب رێكا مالپهرێ خۆ یێ فهرمى ههوه ئاگههدار كهین".
ل گۆرهى هندهك ڤیدیۆیان، ههڤدهم ل گهل فشارا نزم یا سهقاى ل دهڤهرێ، بارانێن بهرفرههـ ل فڕۆكهخانهیا دوبهى دهێنه دیتن.
دوهى سێشهمبیێ ژى، ژ بهر باهۆزهكا ب هێز، بۆ دهمێ 25 خۆلهكان ههمى گهشتێن فڕۆكهخانهیا دوبهى هاتبوونه راوهستاندن.