لێكۆلینه‌ك: ئه‌نجامدانا وه‌رزشێ ساخله‌مییا دلى و مێشكى باشتر دكه‌ت
بەلاڤ بکە
گاڤ
لێكۆلینه‌كا ساخله‌مییێ یا نوى ئاشكراكریه؛ ئه‌نجامدانا وه‌رزشێ ساخله‌مییا دلى و مێشكى باشتر دكه‌ت.
لێكۆلینه‌كا نوى دیاركریه؛ راهێنانێن وه‌رزشى زێده‌بارى مفایێن وێ بۆ له‌شێ مرۆڤى، دبنه ئه‌گه‌رێ كێمبوونا سیگنالێن نیگه‌رانییێ د مێشكى دا هه‌روه‌سا كێمبوونا مه‌ترسییا تووشبوونێ ب نه‌خۆشییێن دلى و بۆرییێن خوینێ.
لێكۆلینێ داتایێن پتر ژ 50 هزار كه‌سێن پێگه‌هشتى یێن ژیێن وان د شێستان دا وه‌رگرتینه و د كۆڤارا كولیژا ئه‌مریكى بۆ نه‌خۆشیێن دلى دا به‌لاڤبوویه.
د لێكۆلینێ دا، دویڤچوونا چالاكیێن جه‌سته‌یى یێن پشكداران، وێنه‌كرنا مێشكێن وان ژ بۆ دویڤچوونا چالاكییێن گرێداى نیگه‌رانییێ هه‌روه‌سا تۆمارێن تووشبوونێ ب نه‌خۆشیێن دلى و بۆریێن خوینێ هاتبوو كرن.
ل گۆره‌ى ئه‌نجامێن لێكۆلینێ؛ ئه‌نجامدانا وه‌رزشێ ساخله‌مییا دلى و مێشكى و ب تایبه‌ت ل ده‌ف تووشبوویێن خه‌مۆكییێ باشتر دكه‌ت، هه‌روه‌سا نیگه‌رانییێ كێم دكه‌ت.
