ئۆفیسا سوودانى بهحس ل هویركاتییێن دانوستاندنێن ئیراقێ و توركیا دكهت
گاڤ
دانوستاندێن ئیراقێ و توركیا ب بهرههڤبوونا سهرۆكوهزیرێ ئیراقێ و سهرۆككۆمارێ توركیا برێڤهچوون و ئۆفیسا سوودانى ئاماژه دا هویركاتییێن وان دانوستاندنان.
محهمهد شیاع سوودانى سهرۆكوهزیرێ ئیراقێ و رهجهب تهیب ئهردۆگان سهرۆككۆمارێ توركیا سهركردایهتییا شاندێن ههردو وهلاتان د گۆتوبێژێن بهرفرههـ دا ل كۆچكا حكومى ل بهغدا ئهڤرۆ دوشهمبییێ كرن.
ل گۆرهى بهیانهكا ئۆفیسا سهرۆكوهزیرێ ئیراقێ؛ د روینشتنا گۆتوبێژان دا بهحس ل رێككهفتنا چارچووڤهیێ ستراتیژى دناڤبهرا ئیراقێ و توركیا دا و دوپاتكرن ل گرنگییا پرۆژهیێ رێكا گهشهپێدانێ هاته كرن.
دیار ژى كریه "د دانوستاندنان دا بهحس ل پێشڤهبرنا پهیوهندییێن بازرگانى و ئابوورى و هاندانا وهبهرهێنانێ ههروهسا بهێزكرنا ئێمناهییا ههڤپشك هاته كرن".
ههر ل گۆرهى بهیانێ "دوپاتى ل سهر ههبوونا پێدڤیاتییێ بۆ دامهزراندنا سازیێن پیشهسازی یێن ئیراقى – توركى یێن ههڤپشك دناڤ ئیراقێ دا ب سهرمایهكا ههڤپشك ههروهسا كاركرن ل سهر ب ساناهیكرنا رێكارێن دانا ڤیزهیا توركیا ب وهلاتییێن ئیراقى ژ بۆ گهشتوگۆزار، بازرگانى، وهبهرهێنان، چارهسهرى و خواندنێ هاته كرن".
ئاماژه ب وێ چهندێ ژى كریه "رێككهفتن دناڤبهرا ههردو لایهنان دا ل سهر پێشڤهبرنا ههڤكاریێ د بیاڤێ خواندنا بلند، ئاڤاكرنا قۆتابخانهیان، ئالوگۆرییا رهوشهنبیرى د ههمى بواران دا و ههڤكاریێ د بیاڤێ ئاڤێ دا هاته كرن".
رهجهب تهیب ئهردۆگان سهرۆككۆمارێ توركیا د سهرهدانهكێ دا ل بهغدایه و دێ سهرهدانا ههولێرێ ژى كهت.
محهمهد شیاع سوودانى سهرۆكوهزیرێ ئیراقێ د دهمهكێ دى دا ژ ئهڤرۆ د پرێس كۆنفرانسهكێ ههڤپشك دا ل گهل رهجهب تهیب ئهردۆگان سهرۆككۆمارێ توركیا ل بهغدا راگههاند بوو؛ ئیراقێ زێدهتر ژ 24 یاداشتنامهیێن لێكتێگههشتنێ و رێككهفتنا چارچووڤهیێ ستراتیژى ل گهل توركیا ئیمزاكرن.