گاڤ

ئۆفیسا سه‌رۆكوه‌زیرێ ئیراقێ هه‌مى رێككه‌فتن و یاداشتنامه‌یێن لێكتێگه‌هشتنێ یێن ئه‌ڤرۆ 22ى نیسانا 2024 دناڤبه‌را ئیراقێ و توركیا دا هاتینه‌ ئیمزاكرن، ئاشكراكرن.

ره‌جه‌ب ته‌یب ئه‌ردۆگان سه‌رۆككۆمارێ توركیا د سه‌ره‌دانه‌كێ دا ل به‌غدایه‌ و دێ سه‌ره‌دانا هه‌ولێرێ ژى كه‌ت، محه‌مه‌د شیاع سوودانى سه‌رۆكوه‌زیرێ ئیراقێ ژى راگه‌هاند بوو؛ ئیراقێ زێده‌تر ژ 24 یاداشتنامه‌یێن لێكتێگه‌هشتنێ و رێككه‌فتنا چارچووڤه‌یێ ستراتیژى ل گه‌ل توركیا ئیمزاكرن.

ل گۆره‌ى به‌یانه‌كا ئۆفیسا سوودانى؛ ئه‌ڤ رێككه‌فتن و یاداشتنامه‌یێن لێكتێگه‌هشتنێ دناڤبه‌را ئیراقێ و توركیا دا ئه‌ڤرۆ هاتنه‌ ئیمزاكرن:

1. رێككه‌فتنا چارچووڤه‌یێ ستراتیژى دناڤبه‌را حكومه‌تا ئیراقێ و كۆمارا توركیا دا.

2. یاداشتنامه‌یا رێككه‌فتنا چارچووڤه‌یى بۆ هه‌ڤكارییێ د بیاڤێ ئاڤێ دناڤبه‌را حكومه‌تا ئیراقێ و كۆمارا توركیا دا.

3. یاداشتنامه‌یا لێكتێگه‌هشتنێ یا پرۆژه‌یێ رێكا گه‌شه‌پێدانێ دناڤبه‌را وه‌زاره‌تا ڤه‌گوهاستنێ یا ئیراقێ و وه‌زاره‌تا ڤه‌گوهاستن و ژێرخانه‌یێ یا توركیا دا.

4. یاداشتنامه‌یا لێكتێگه‌هشتنێ بۆ پێكئینانا لژنه‌یا بازرگانى و ئابوورى یا هه‌ڤپشك JETCO دناڤبه‌را وه‌زاره‌تێن بازرگانییێ یێن ئیراقێ و توركیا.

5. رێككه‌فتنا هاندان و پاراستن و لێكگوهۆڕینا وه‌به‌رهێنانان دناڤبه‌را ده‌سته‌یا نیشتیمانى یا وه‌به‌رهێنانێ یا ئیراقێ و وه‌زاره‌تا پیشه‌سازى و ته‌كنولۆژیایێ یا توركى دا.

6. یاداشتنامه‌یا لێكتێگه‌هشتنێ دناڤبه‌را ئێكه‌تییا ژوورێن بازرگانى یێن ئیراقى و جڤاتا په‌یوه‌ندیێن ئابوورى یێن ده‌رڤه‌ یا توركى دا.

7. یاداشتنامه‌یا لێكتێگه‌هشتنێ بۆ هه‌ڤكارییا ته‌كنیكى و زانستى و ئابوورى د بیاڤێن پرۆژه‌یێن بچویك و ناڤنجى دناڤبه‌را وه‌زاره‌تا پیشه‌سازى یا ئیراقێ و وه‌زاره‌تا پیشه‌سازى و ته‌كنولۆژیایێ یا توركى دا.

8. یاداشتنامه‌یا لێكتێگه‌هشتنێ د بیاڤێ راهێنانێن له‌شكه‌رى دناڤبه‌را وه‌زاره‌تێن به‌رگریێ یێن ئیراقێ و توركیا دا.

9. یاداشتنامه‌یا لێكتێگه‌هشتنێ ل دۆر راهێنانان و هه‌ڤكاریێ د بیاڤێ ساخله‌مییا له‌شكه‌رى دناڤبه‌را وه‌زاره‌تێن به‌رگریێ یێن ئیراقێ و توركیا دا.

10. یاداشتنامه‌یا لێكتێگه‌هشتنێ بۆ هه‌ڤكارییا ستراتیژى دناڤبه‌را ده‌سته‌یا پیشه‌سازییا له‌شكه‌رى یا ئیراقى و سكرتارییه‌تا پیشه‌سازیێن به‌ره‌ڤانیێ یێن توركى دا.

11. یاداشتنامه‌یا لێكتێگه‌هشتنێ بۆ هه‌ڤكارییا ئه‌منى دناڤبه‌را وه‌زاره‌تێن ناڤخۆ یێن ئیراقێ و توركیا دا.

12. یاداشتنامه‌یا لێكتێگه‌هشتنێ دناڤبه‌را ئینستیتیۆتا خزمه‌تگۆزارییا ده‌رڤه‌ یا ئیراقێ و ئینستیتیۆتا لێكۆلینێن ستراتیژى یا توركى دناڤبه‌را وه‌زاره‌تێن ده‌رڤه‌ یێن ئیراقێ و توركیا دا.

13. یاداشتنامه‌یا لێكتێگه‌هشتنێ بۆ هه‌ڤكارییێ د بیاڤێ وه‌رزش و لاوان دناڤبه‌را وه‌زاره‌تێن وه‌رزش و لاوان یێن ئیراقى و توركى دا.

14. یاداشتنامه‌یا لێكتێگه‌هشتنێ بۆ هه‌ڤكارییێ بیاڤێن زانستێن ساخله‌میێ و پزیشكى دناڤبه‌را وه‌زاره‌تێن ساخله‌میێ یێن ئیراقێ و توركى دا.

15. پلانا گرۆپێ كارى یێ چاندنێ د ماوه‌یێ دناڤبه‌را 2024-2025 دناڤبه‌را وه‌زاره‌تێن چاندنێ یێن ئیراقى و توركى دا.

16. یاداشتنامه‌یا لێكتێگه‌هشتنێ ل دۆر لێكۆلینێن زانستى و ته‌كنولۆژى دناڤبه‌را وه‌زاره‌تا خواندنا بلند و لێكۆلینێن زانستى یا ئیراقێ و جڤاتا لێكۆلینێن زانستى و ته‌كنولۆژى یا توركى دا.

17. یاداشتنامه‌یا لێكتێگه‌هشتنێ بۆ هه‌ڤكاریێ د بیاڤێ په‌روه‌رده‌یێ دناڤبه‌را وه‌زاره‌تێن په‌روه‌رده‌یێ یێن ئیراقێ و توركیا دا.

18. یاداشتنامه‌یا لێكتێگه‌هشتنێ د بیاڤێ هه‌ڤكارییا گه‌شتوگۆزارێ دناڤبه‌را وه‌زاره‌تا ره‌وشه‌نبیرى و گه‌شتوگۆزارێ و شوینواران یا ئیراقێ و وه‌زاره‌تا گه‌شتوگۆزارێ یا توركیا دا.

19. یاداشتنامه‌یا لێكتێگه‌هشتنێ د بیاڤێ كاركرن و دابینكرنا جڤاكى دناڤبه‌را وه‌زاره‌تێن كار و كاروبارێن جڤاكى یێن ئیراقێ و توركیا دا.

20. یاداشتنامه‌یا لێكتێگه‌هشتنێ د بیاڤێ كاروبارێن جڤاكى و خێزانێ دناڤبه‌را وه‌زاره‌تا كار و كاروبارێن جڤاكى یا ئیراقێ و وه‌زاره‌تا خێزان و خزمه‌تگۆزارییان یا توركیا دا.

21. یاداشتنامه‌یا لێكتێگه‌هشتنێ ل دۆر به‌لگه‌نامه‌یان و ئه‌رشیڤێ حكومى دناڤبه‌را وه‌زاره‌تا ره‌وشه‌نبیرى یا ئیراقێ و ئه‌رشیڤێ حكومى یا توركى دا.

22. یاداشتنامه‌یا لێكتێگه‌هشتنێ د بیاڤێ ئێمناهییا به‌رهه‌مان و ئاسته‌نگێن ل هه‌مبه‌ر بازرگانییێ دناڤبه‌را وه‌زاره‌تا پلاندانانێ یا ئیراقێ و وه‌زاره‌تا بازرگانییێ یا توركى دا.

23. یاداشتنامه‌یا لێكتێگه‌هشتنێ د كاروبارێن ئایینى دناڤبه‌را دیوانا وه‌قفا سوننى و سه‌رۆكاتییا كاروبارێن ئایینى یا توركى دا.

24. یاداشتنامه‌یا لێكتێگه‌هشتنێ ل دۆر هه‌ڤكاریێ د بیاڤێ راهێنانێن دادوه‌ریێ بۆ قۆتابییان و دادوه‌ران و هاریكارێن وان و داخوازكارێن گشتى دناڤبه‌را ئینستیتیۆتا دادوه‌رى یا ئیراقى و ئه‌كادێمییا دادپه‌روه‌ریێ یا توركى دا.

25. یاداشتنامه‌یا لێكتێگه‌هشتنێ د بیاڤێ كاره‌بێ دناڤبه‌را وه‌زاره‌تا كاره‌بێ یا ئیراقێ و وه‌زاره‌تا وزه‌یێ و ژێده‌رێن سرۆشتى یا توركى دا.

26. یاداشتنامه‌یا لێكتێگه‌هشتنێ د بیاڤێ راگه‌هاندن و په‌یوه‌ندییان دناڤبه‌را ده‌سته‌یا راگه‌هاندنێ و په‌یوه‌ندییان یا ئیراقێ و سه‌رۆكاتییا په‌یوه‌ندییان یا توركى دا.