نویترین داخۆیانییا پارتى ل دۆر هه‌لبژارتنان
بەلاڤ بکە
گاڤ
په‌یڤدارێ پارتى دیمۆكراتى كوردستانێ راگه‌هاند؛ هندى سیسته‌مێ هه‌لبژارتنان وه‌كى نوكه بیت و رێگرى ل پشكدارییا پێكهاته‌یان بهێته كرن، پارتى پشكداریی د هه‌لبژارتنان دا ناكه‌ت.
مه‌حموود محه‌مه‌د ئه‌ڤرۆ چارشه‌مبییێ ل دۆر بایكۆتكرنا هه‌لبژارتنان ژ لایێ پارتى ڤه راگه‌هاند "ئه‌م ل سه‌ر سیسته‌مێ هه‌لبژارتنان د رازى نه‌بووین، ئه‌م ل سه‌ر وان یاسایێن هه‌یى د رازى نه‌بووین و ل گه‌ل رێگریكرنێ ژ پشكدارییا پێكهاته‌یان نه‌بووین كو به‌شه‌كێ دانه‌بڕاى یێ ناڤ جه‌سته‌یێ كوردستانێ نه، له‌وا مه ئه‌و هه‌لویسته وه‌رگرت".
گۆت ژى "هندى ئه‌ڤ چه‌نده د به‌رده‌وام بن، ئه‌م دێ ل سه‌ر هه‌لویستێ خۆ به‌رده‌وام بین".
ل رۆژا 18ى ئادارا بۆرى مه‌كته‌با سیاسى یا پارتى د راگه‌هاندنه‌كێ دا بایكۆتكرنا هه‌لبژارتنێن په‌رله‌مانێ كوردستانێ راگه‌هاند بوو.
بڕیارا پارتى وه‌ك هه‌لویست به‌رانبه‌ر بڕیارێن ڤێ دویماهیێ یێن دادگه‌ها فیدرالى یا ئیراقێ هات ژ وان ژى هه‌لوه‌شاندنا 11 كورسیێن كۆتایێن پێكهاته‌یان د په‌رله‌مانێ كوردستانێ دا هه‌روه‌سا دابه‌شكرنا هه‌رێما كوردستانێ ب سه‌ر چار بازنه‌یێن هه‌لبژارتنان دا.
ل رۆژا ئه‌ینییا بۆرى، ژێده‌ره‌كێ ژ حكومه‌تا هه‌رێما كوردستانێ بۆ ئه‌لعه‌ره‌بى ئه‌لجه‌دید راگه‌هاند بوو "دهێته پێشبینیكرن هه‌لبژارتنێن په‌رله‌مانێ كوردستانێ یێن ل به‌ره ل 10ى خزیرانێ بهێنه كرن بهێنه پاشئێخستن و لێكتێگه‌هشتن دناڤبه‌را به‌رپرسێن هه‌رێمێ و حكومه‌تا فیدرالى دا ل دۆر ڤێ چه‌ندێ هه‌یه".
