سهرۆكێ حكومهتێ: نابیت رێژهیا كرێكارێن ههرێمێ ل چ جهـ و كۆمپانیان ژ 70% كێمتر بن
09/20/2022 - 21:00
گاڤ نیوز
سهرۆكێ حكومهتا ههرێما كوردستانێ راگههاند: نابیت رێژهیا كرێكارێن ههرێمێ ل چ جهـ و كۆمپانیان ژ 70% كێمتر بن و ههر جهێ سهرپێچیێ بكهت دێ رێكار ل ههمبهر هێنه وهرگرتن.
د كۆمبوونا ئهڤرۆ یا جڤاتا وهزیرێن ههرێمێ دا كو تایبهت بوو ب رێكخستنا دهستێ كارى و دهلیڤهیێن كارى ل كهرتێن حكومى و تایبهت، مهسروور بارزانى سهرۆكێ حكومهتێ راگههاند: حكومهتێ ههمى ئاسانكارى بۆ خودانكار و كۆمپانیێن كهرتێ تایبهت كرینه و دڤێت ههر جهـ و كۆمپانیهك ب كێماتى 70% یا كرێكارێن وان خهلكێ ههرێمێ بن، بهرۆڤاژى دڤێت رێكارێن قانوونى ل ههمبهر وان جهان بهێنه وهرگرتن.
گۆت ژى: دڤێت ناڤهندێن كارى ل ههمى پارێزگههـ و قهزا و ناحیێن ههرێمێ بهێنه ڤهكرن، دا كو شیانێن گهنجان د بیاڤێن جودا یێن كارى دا بهێنه پێشخستن.