سهركردهيهكێ چارچووڤهى: پارتى دێ سێ وهزارهتان و ئێكهتى دێ وهزارهتهكێ وهرگريت
گاڤ نيوز
سهركردهيهكێ چارچووڤهيێ ههماههنگيێ ئهڤرۆ دوشهمبيێ هويركاتيێن كابينهيا نوى يا حكومهتا ئيراقێ ئاشكرا كرن و راگههاند كو پارتى دێ سێ وهزارهتان وهرگريت.
وى سهركردهى بێى ناڤێ خۆ ئاشكرا بكهت بۆ ئاژانسا شهفهق نيوز راگههاند؛ كابينهيا محهمهد شياع سودانى دێ ژ 22 تا 24 وهزارهتان پێكهێت.
ئاشكرا ژى كر؛ 4 وهزارهت دێ بۆ كوردان بن، سێ بۆ پارتى و ئێك بۆ ئێكهتيێ.
ديار ژى كر؛ 4 وهزارهتێن دى دێ بۆ ههڤپهيمانيا سهروهرى بن و وهزارهتهك دێ بۆ ههڤپهيمانيا عهزم بيت.
خۆيا ژى كر؛ 12 وهزارهت دێ بۆ هێزێن چارچووڤهيێ ههماههنگيێ بن، 4 ژ وان بۆ ههڤپهيمانيا دهولهتا ياسايێ و 6 بۆ ههڤپهيمانيا فهتح و 2 بۆ ههڤپهيمانيا سهربخۆيان.
ئاماژه دا وێ چهندێ ژى؛ ئهگهر كابينهيا وهزارى ژ 24 وهزارهتان پێكبهێت، دێ دو وهزارهت بۆ پێكهاتهيان بن، ئێك بۆ مهسيحيان و ئێك بۆ توركمانان، لێ ئهگهر 22 وهزارهت بن، دێ مهسيحى و توركمان بههرا خۆ ژ وهزارهتان ژ وهزارهتێن بۆ چارچووڤهيێ ههماههنگيێ تهرخانكرى، وهرگرن.
ئهو ئێك ژى نهڤهشارت؛ دابهشكرنا وهزارهتان دێ ل گۆرهى سيستهمێ خالان بيت و دهێته چاڤهرێكرن سودانى د حهفتيا بهێت دا كابينهيا خۆ پێشكێشى جڤاتا نوينهران بكهت.
ل رۆژا پێنجشهمبيا بۆرى پهرلهمانێ ئيراقێ د روينشتنا خۆ دا عهبدولهتيف رهشيد وهك سهرۆككۆمارێ نوى يێ ئيراقێ ب 162 دهنگان د گهڕا دوێ يا ههلبژارتنێ دا ههلبژارت بوو و ناڤهاتى محهمهد شياع سودانى بۆ پێكئينانا كابينهيا حكومهتێ يا نوى د دهمێ 30 رۆژان دا ل گۆرهى دهستوورى راسپارد بوو.