سه‌رۆكێ حكومه‌تێ و باليۆزێ بريتانيا ل ئيراقێ ره‌وشا سياسى به‌حسكرن
بەلاڤ بکە
گاڤ نيوز
سه‌رۆكێ حكومه‌تا هه‌رێما كوردستانێ و باليۆزێ بريتانيا ل ئيراقێ ئه‌ڤرۆ دوشه‌مبيێ كۆمبوون و ره‌وشا سياسى ل ئيراقێ و هه‌رێما كوردستانێ به‌حسكرن.
سه‌رۆكاتيا جڤاتا وه‌زيران راگه‌هاند؛ مه‌سرور بارزانى سه‌رۆكێ حكومه‌تێ و مارك برايسن ريچاردسۆن باليۆزێ بريتانيا ل ئيراقێ ل سه‌ر گرنگيا پاراستنا ئاسايش و سه‌قامگيريا ئيراقێ و هه‌رێما كوردستانێ هه‌ڤڕا بوون و ره‌وشا سياسى ل ئيراقێ و هه‌رێما كوردستانێ به‌حسكرن.
سه‌رۆكێ حكومه‌تا هه‌رێما كوردستانێ ته‌كه‌زى ل سه‌ر ئه‌نجامدانا هه‌لبژارتنێن په‌رله‌مانێ كوردستانێ د ده‌مه‌كێ نزيك و گونجاى دا كر و باليۆزێ بريتانيا ژ لايێ خۆڤه ته‌كه‌ز كر كو بريتانيا د پشته‌ڤانيا سه‌روه‌رى و ئاسايشا هه‌رێما كوردستانێ و ئيراقێ دا دێ به‌رده‌وام بيت و ره‌خنه ل هێرشێن ڤێ دويماهيێ يێن ئيرانێ بۆ سه‌ر هه‌رێما كوردستانێ گرتن و دياركر كو ئه‌ڤه پشكه‌كن ژ چالاكيێن ئيرانێ بۆ نه‌سه‌قامگيريا ده‌ڤه‌رێ.
