رۆژنامه‌يه‌كا بريتانى: رۆنالدۆ هزرا ڤه‌گه‌ڕيانێ بۆ خۆلا ئيتاليا دكه‌ت
بەلاڤ بکە
گاڤ نيوز
رۆژنامه‌يه‌كا بريتانى ئه‌ڤرۆ دوشه‌مبيێ ئاشكرا كر كو كريستيانۆ رۆنالدۆ ستێرا پۆرتوگالى يێ يانه‌يا مانچسته‌ر يۆنايتد هزر د ڤه‌گه‌ڕيانێ بۆ خۆلا ئيتاليا دا و ياريكرنێ بۆ يانه‌يا ناپۆلى دكه‌ت.
رۆنالدۆ هه‌ست ب بێزاريێ دناڤ رێزێن مانچسته‌ر دا دكه‌ت و د ياريا چارشه‌مبيا بۆرى دا ل گه‌ل توتێنهام كێشه‌يێن وى ل گه‌ل يانه‌يێ كويرتر بوون پشتى رازينه‌بووى د نيڤا دوێ يا ياريێ دا وه‌ك پێگوهۆر بچيته دناڤ ياريگه‌هێ دا و ژ ياريگه‌هێ ده‌ركه‌فتبوو و ژ به‌رى يارى ب دويماهيك بهێت ب چه‌ند خۆله‌كان به‌ره‌ڤ ژوورا گوهۆڕينا جلوبه‌رگان چووبوو.
رۆژنامه‌يا The Sun ئاشكرا كر؛ يانه‌يا ناپۆلى تا نوكه هزر د پێشكێشكرنا هه‌ڤبه‌سته‌كێ بۆ رۆنالدۆى يێ 37 سالى دا دكه‌ت و رۆنالدۆ ژى هزر د ڤه‌گه‌ڕيانێ بۆ خۆلا ئيتاليا دا دكه‌ت.
رۆنالدۆ ژ به‌رى نوكه سێ سالان د خۆلا ئيتاليا دا يارى بۆ يانه‌يا يوڤێنتۆس كربوو و دو ناسناڤ ل گه‌ل بده‌ستڤه‌ئينابوون.
د هاڤينا بۆرى دا، هنده‌ك راپۆرتێن رۆژنامه‌ڤانى دياركربوون كو ره‌نگه ناپۆلى و مانچسته‌ر يونايتد، ڤيكتۆر ئوسمين ياريكه‌رێ ناپۆلى كو بهايێ وى ب نزيكى 100 مليۆن پاوه‌ندێن ستێرلينى دهێته ته‌خمينكرن و كريستيانۆ رۆنالدۆى لێكبگوهۆڕن، لێ پاشى ئه‌و رێككه‌فتنه سه‌رنه‌گرتبوو.
