كريستيانۆ رۆنالدۆ دبيته ئێكه‌م ياريكه‌ر د پێنج مونديالان ل دويڤ ئێك دا گۆلێ تۆمار دكه‌ت
11/24/2022 - 21:28
بەلاڤ بکە
گاڤ نيوز
كريستيانۆ رۆنالدۆ ستێرا هه‌لبژارتيێ پۆرتۆگالێ د ياريا ئه‌ڤرۆ دا ل گه‌ل هه‌لبژارتيێ غانا د مونديالا قه‌ته‌ر 2022 دا نمره‌يه‌كا پيڤانكى يا نوى تۆماركر.
ل گۆره‌ى ئاژانسان؛ ب تۆماركرنا كريستيانۆ رۆنالدۆى بۆ گۆله‌كێ د ياريا ل گه‌ل غانا دا ل خۆله‌كا 65ێ ژ پێنالتيێ، ئه‌و بوو ئێكه‌م ياريكه‌ر د ديرۆكێ دا كو د پێنج مونديالان دا ل دويڤ ئێك گۆلێ تۆمار بكه‌ت.
ژ به‌رى مونديالا قه‌ته‌ر 2022، رونالدۆى ل گه‌ل هه‌ر ئێك ژ پيلێ يێ به‌رازيلى و ئوفێ سيله‌ر و ميرۆسلاڤ كلوزه يێن ئه‌لمانى ب تۆماركرنا ب كێماسى گۆله‌كێ د چار مونديالان دا ل دويڤ ئێك ب هه‌ڤپشكى نمره‌يا پيڤانكى تۆماركربوون.
