زه‌هرا‌ به‌رواری

سالانه‌ ل روژا 25/11 هه‌وا 16 رۆژیا بەرهنگاربوونا نه‌هێلانا تۆندوتیژیا دژی خێزان و ژنان دهێته‌ ساخکرن، لسه‌ر ئاستێ حكومه‌تا هه‌رێما كوردستانێ و رێكخراوێن ژنان و چالاكڤانێن جڤاكا سڤیل چه‌ندین دروشم دهێنه‌ بلندكرن و چالاكی دهێنه‌ ئه‌نجامدان بۆ ئارامیا خێزانێ و ژنان، پێدڤیه‌ ژبلی ئه‌و هه‌وا دهێته‌ راگه‌هاندن هه‌موو ده‌ما ئارامی به‌هرا خێزان و جڤاكی بیت، نابیت ب چ ره‌نگان ئاسته‌نگ بۆ ژنێ بهێنه‌ دروستكرن ئه‌گه‌ر بخوازیت بخوینیت یان كاره‌كێ ئازاد بكه‌ت یان ببیته‌ بازرگان و خودان كار. شیانێن ژنان ژ شیانێن ره‌گه‌زێ به‌رامبه‌ر كێمتر نینه‌، ئه‌و جوداهیا ره‌گه‌زی یا جڤاك به‌رانبه‌ر ژنێ دكه‌ت ئارامیا ژنێ ژناڤبریه‌ وهه‌رده‌ما ژن دلته‌نگ دبیت و تۆندوتیژی به‌رانبه‌ر دهێته‌ كرن ئه‌و جڤاك ژناڤ دچیت و ژیان تێدا دکەفتە مەترسیێ دا و نامینیت .

پێدڤیه‌ هه‌می ده‌ما ده‌رفه‌ت بو ژنان بهێته‌ خۆشكرن نه‌ك تۆندوتیژی لگه‌ل بهێته‌ كرن ئه‌و جڤاكێن تۆندوتیژیێ به‌رانبه‌ر ژنان دكه‌ن نه‌شێن ب ساخله‌می پێش بكه‌ڤن و هه‌می ده‌ما كێماسی تێدا هه‌نه‌ .

ژن خودان پێگه‌هه‌كێ ب هێزه‌ دناڤ جڤاكی و شیایه‌ ل هه‌می ده‌ما پێگه‌هێ خو ب هێزڤه‌ نیشان بده‌ت و هاریكار و پشته‌ڤان بیت، ده‌مێ ژن دهێته‌ شكاندن ژیان دهێته‌ ژناڤبرن. ژنا كورد شیایه‌ بگه‌هیته‌ ئاستێن بلند یێن به‌رپرسیاریه‌تیێ و ببیته‌ سه‌ركرده‌ و كاروبارێن خو یێن سیاسی و حكومی ب باشی ب رێڤه‌ببه‌ت .

پێدڤه‌ جڤاك بهێته‌ هشیاركرن كو تۆندوتیژی دژی ژنان زیانێ دگه‌هینیتە جڤاكی و ترس و نه‌ئارامیێ دروست دكه‌ت، پێدڤیه‌ مامۆستایێن ئاینی و چالاكڤان و راگه‌هاندن ب ڕولێ خو یێ دروست رابن و نه‌هێلن تۆندوتیژیا دژی ژنان زێده‌تربیت و ئارامیێ بۆ جڤاكی ب زڤرینن ڤه،‌ هه‌رده‌ما ل ناڤ جڤاكی ژن یا ئارام بیت ژیان جوانتر دبیت، ‌لێ ده‌ما تۆندوتیژی به‌رانبه‌ر ژنێ دهێته‌ كرن خێزان لاواز دبیت و ژیان ژناڤ دچیت.