گاڤ
سه‌رۆكێ هه‌رێما كوردستانێ جه‌ژنا رۆژیێن ئیزى ل هه‌مى ئێزدیان پیرۆز كر و راگه‌هاند، ئه‌و ژ نێزيك ئاگه‌هدارى ڕه‌وش و ژيارا وانه‌ وهه‌تا دويماهيێ ژبۆ  ڕزگاركرن و دياركرنا چاره‌نڤيسێ ڕه‌ڤانديان دێ به‌رده‌وام بن.
سه‌رۆك نێچیرڤان بارزانى ئه‌ڤرۆ د په‌یامه‌كا پییرزباهیێ دا ب هه‌لكه‌فتا جه‌ژنا رۆژیێن ئێزى، پیرۆزباهى ل ميرێ ئێزديان و بابه‌شێخ و جڤاتا روحانى و هه‌مى ئێزدیێن ل كوردستانێ و ئيراقێ وجيهانێ كرن و هیڤى خواست جه‌ژن و بێهنڤه‌دانا خۆ د ڕه‌وشه‌كا ته‌نا و ئارامدا ده‌رباز بكه‌ن و جه‌ژن و بيراهاتنێن بهێن، د ره‌وشه‌كا باشتر دا بگێرن.
سه‌رۆكێ هه‌رێما كوردستانێ مخابنیا خۆ ژى نیشاندا كو جه‌ژنه‌كا دى یا ئێزدیان ڤه‌دگه‌ڕیت و هیشتا هژماره‌كا مه‌زن یا وان ل ناڤا كه‌مپان و د ژیانه‌كا ب زه‌حمه‌ت دا دژین.
هه‌روه‌سا سه‌رۆكێ هه‌رێمێ ل دۆر ره‌ڤاندیێن ئیزدى یێن ده‌ستێ رێكخستیا تیرۆرستیا داعشێ گۆت، ب هزاران ئێزدى ب دله‌كێ كۆڤاندار ل هيڤيا زانينا چاره‌نڤيسێ كه‌سوكارێن خۆ يێن ڕه‌ڤانينه‌ و پشتراستكرن، هه‌تا دويماهيێ دێ له‌سه‌ر كار و هه‌ولێن خۆ يێن ڕزگاركرن و دياركرنا چاره‌نڤيسێ ڕه‌ڤانديان به‌رده‌وامبن.