سودانى: نه ئهستهمه ئيراقێ پهيوهنديێن باش ل گهل ئهمريكا و ئيرانێ د ئێك دهم دا ههبن
گاڤ
رۆژنامهيهكا جيهانى ئاشكرا كر كو سهرۆكوهزيرێ ئيراقێ ل گهل هندێ يه هێزێن بيانى بۆ دهمهكێ دى ژى ل ئيراقێ بمينن تا كو مهترسيا تيرۆرێ نهمينيت و ئاماژه دايه باشتركرنا پهيوهنديێن ئيراقێ ل گهل ئهمريكا و ئيرانێ د ئێك دهم دا.
رۆژنامهيا وول ستريت جۆرنال ژ محهمهد شياع سودانى ڤهگوهاستيه "تا نوكه ئيراقێ پێدڤياتى ب ههبوونا هێزێن بيانى ههيه و ژناڤبرنا داعشێ پێدڤى ب هێشتا دهمى ههيه"، وهك ئاماژهيهكێ بۆ هێزێن ئهمريكى و ناتۆيێ يێن راهێنانان ب هێزێن ئيراقى دكهن و هاريكاريا وان د بهرسينگگرتنا داعش دا دكهن.
سودانى ديار ژى كر؛ مه ل بهره شاندهكێ حكومى يێ پله بلند ل ههيڤا بهێت ژ بۆ گۆتوبێژان ل گهل بهرپرسێن ئهمريكى بهنێرينه واشنتۆن.
زێده ژى كر: ئيراقێ دڤێت پهيوهنديێن وێ ل گهل واشنتۆنێ وهكى پهيوهنديێن وهلاتێن بهرههمهێنهرێن پهترۆلێ و غازێ يێن دهڤهرێ بن.
سهرۆكوهزيرێ ئيراقێ ئاماژه دا وێ چهندێ ژى كو نه ئهستهمه ئيراقێ پهيوهنديێن باش ل گهل ئهمريكا و ئيرانێ د ئێك دهم دا ههبن.