هند بڕيارهكێ ل دۆر ئهپليكهيشنێن بهروهخت د موبايلان دا جێگيركرى ددهت
گاڤ
وهلاتێ هندێ هندهك رێسايێن نوى راگههاندن و ل گۆرهى وێ دێ ل سهر كۆمپانيێن دروستكرنا موبايلان هێته سهپاندن كو ئۆپشنێ ژێبرنا ئهپليكهيشنێن بهروهخت جێگيركرى د موبايلان دا بهردهست بكهن.
كۆمپانيێن دروستكرنا موبايلان، هندهك ئهپليكهيشنان بهروهخت د موبايلان دا جێگير دكهن و رێك ب بكارهينهرى ناهێته دان وان ئهپليكهيشنان ژێببهت.
رۆيتهرز ژ بهرپرسهكێ هندى ڤهگوهاستيه؛ ئهپليكهيشنێن بهروهخت جێگيركرى د موبايلان دا، ڤالاتيهكه رهنگه بهێته ئيستيغلالكرن و هندێ نهڤێت وهلاتهكێ بيانى وهكى چينێ سيخۆريێ ل سهر وهلاتيێن وێ بكهت.
ههر ژ پهڤچوونا ل سهر سنووران دناڤبهرا هندێ و چينێ دا ل سالا 2022، هندێ پتر ژ 300 ئهپليكهيشنێن چينى ژ وان ژى تيك تۆك ل وى وهلاتى قهدهغهكرينه.
رۆيتهرز دياركريه كو هند زێدهبارى دانا رێكێ ب بكارهينهران بۆ ژێگرتنا ئهپليكهيشنێن وان دڤێن د موبايلێن وان دا، ژ سيخۆريكرن و خراب بكارئينانا داتايێن بكارهينهرى ژ لايێ چينێ ڤه دترسيت.
رێسايێن نوى ل هندێ ل سهر دروستكهرێن موبايلێن زيرهك دسهپينن كو ئۆپشنێ ژێبرنا ئهپليكهيشنێن بهروهخت د موبايلێ دا جێگيركرى، بهردهست بكهن.