درۆنێن ئیرانێ بنگهههكێ ئهمریكا ل حهسهكێ كره ئارمانج
گاڤ
وهزارهتا بهرگریا ئهمریكا راگههاند، هێرشهك ل سهر بنگهههكێ سهربازى یێ وهلاتێ وان هاتیهكرن و زیانێن گیانى ههبووینه.
د هێرشهكا درۆنى دا ل حهسهكا رۆژئاڤایێ كوردستانێ بهلێندهرهكێ ئهمریكى هاته كوشتن و پێنج سهربز و بهلێندهرهكێ دى یێ ئهمریكى بریندار بوون، زانیارى دیاردكهن، هێرش ژ ئالیێ گرۆپێن سهر ب ئیرانێ ڤه هاتیهكرن و ب فهرمانا سهرۆكێ ئهمریكا سوپایێ وى وهلاتى بهرسڤا هێرشێ دایه و هێرشا ئهمریكا ژى ل ئاسمانێ سووریا هاتیهكرن.
وهزارهتا بهرگریا ئهمریكا راگههاند، دوهى پشتى نیڤرۆ ل دهمژمێر 1:38 خۆلهك هێرشهكا ئاسمانى ب رێكا درۆنان ل سهر بنگهههكێ هێزێن وان ل حهسهكێ هاتیهكرن و بهلێندهرهكى ژیانا خۆ ژ دهست دایه و بهلێندهرهكێ دى ل گهل پێنج سهربازان بریندار بووینه، زانیاریێن ههوالگێریا ئهمریكا دیاردكهن، درۆن یا ئیرانێ بوو.
ل گۆرى پێنتاگۆنێ، ههر زوو سوپایێ ئهمریكا بهرسڤا هێرشا ئیرانێ دایه و هندهك ژ گرۆپێن سهر ب ئیرانێ ڤه كرینه ئارمانج.
ژ ئالیێ خۆڤه لۆید ئۆستن، وهزیرێ بهرگریا ئهمریكا ژى دبێژیت: هێرش ل سهر فهرمانا سهرۆكێ ئهمریكا جۆ بایدن هاتیهكرن.